رێڤەبەرێ ناحیا زومار:كار لسه‌ر دروستكرنا كەمپه‌كێ بۆ خێزانێن داعش هاتە راگرتن
باسنيوز:
رێڤەبەرێ ناحیا زومار دیاركركو نها كارێ چێكرنا كەمپا عەمەلە هاتە راگرتن. ئەڤ كەمپا بۆ خێزانێن داعش دهاتە چێكرن.
ئەحمەد جەعفەر، رێڤەبەرێ ناحیا زومار بۆ(باسنیوز) دیار كر كو: "پشتی سەرۆك هۆزێن زومار نەرازیبوونا خوە ل سەر چێكرنا كەمپا عەلەمە ل عوێنات بۆ خێزانێن داعش دەربری ب فەرمانا سەرۆك هۆزێن زومار و رەبیعە و تەلەعفەر وخەلكێ دەڤەرێ دچێكرنا كەمپێ هاتە راوەستاندن. خەلك دەڤەرا زومار و سەرۆك هۆز رازی نابن بەردەوامی ب چێكرنا كەمپێ بهێتە دان. مە ژی وەكو ئیدارا زومار ب فەرمی نەرازیبوونا خوە لسەر زڤرینا خێزانێن داعش ژ سوریا دیاركریە. ئەم ب هیچ شێوەیەكێ رازی نابن چونكو دێ خێزانێن داعش تەناهیێ تێكدەن ".
خۆیا ژی كر كو: "ل سەر رووبەرێ 10 هزار دونەمێن ئەردی كەمپ بۆ خێزانێن داعش هاتە چێكرن. هەكە بەغدا ڤێ پرۆژێ نە هەلوەشینت دێ ئاریشەیێن مەزن ل زومار و رەبیعە و شنگال روودەن. ئەم رژدن ودژی زڤرینا خێزانێن داعشێ نە ورێ نادەین داعش ڤەگەرنە زومار".
تعليقات