زارۆیه‌كێ ئێزدى دناڤ مالا چاڤدێريا ئێتيمان دا هاته دیتن
باسنيوز:
رێڤه‌به‌رێ نڤێسینگه‌ها رزگاركرنا ره‌ڤاندیێن ئێزدى دیاركركو زارۆیه‌كێ ره‌ڤاندى یێ ئێزدى ب ناڤێ ( وه‌لید) یێ ته‌مه‌ن هه‌شت سالیێ ل موسل هاته دیتن".
حسین كورو قائیدى، رێڤه‌به‌رێ نڤێسینگه‌ها رزگاركرنا ره‌ڤاندیێن ئێزدى بۆ (باسنیوز) دیاركركو دناڤ خانیى چاڤدیریا ئه‌تیمان دا ل پارێزگه‌ها موسل زارۆیه‌كێ ئێزدى یێ جینوسایدا شنگال هاتیه ره‌ڤاندن هاته دیتن ئه‌ڤ زارۆیێ ئێزدى خه‌لكێ ناحیا سنونێ یه ل قه‌زا شنگال ئه‌ڤه چه‌ندین سال بوون هاتیه ره‌ڤاندن وبێ سه‌روشینكرن ژلایێ تیرۆرستێن داعش ڤه ونوكه ل موسل هاته دیتن هه‌ول دبه‌رده‌وامن بۆ ڤه‌گه‌راندنا ڤێ زارۆیێ بۆ هه‌رێما كوردستانێ وره‌نگه ئه‌ڤرۆ بگه‌هت".
خۆیا ژى كركو ل جینوسایدا شنگال ته‌باخا سالا 2014ێ 6417 كه‌سێن ئێزدى ژ هه‌ردوو ره‌گه‌زان ژلایێ تیرۆرستێن داعش ڤه هاتنه ره‌ڤاندن هه‌تا نوكه 2990 كه‌س ژى دیارنینن یێن دیتر هه‌موو هاتینه رزگاركرن.
تعليقات