دناڤ قوربانیێن كاره‌ساتا سپایكردا تەرمێ كەسەكێ ئێزدی هاتە دیتن
باسنيوز:
قایمقامێ قەزا شنگال دیاركركو تەرمێ كەسەكی ئێزدی ب ناڤێ (مەروان خدر عومەر) دناڤ قوربانیێن كارەساتا سپایكر دا هاتیە دیتن.
مەحما خەلیل، قایمقامێ قەزا شنگال بۆ (باسنیوز) دیار كر كو كەسەكی ئێزدی بناڤێ (مەروان خدر) بێ سەروشین دبیت پشتی روفاتێن كارەساتا سپایكر بۆ نۆژداریا داد ل بەغدا هاتینە رەوانەكرن. نۆكە تەرمێ ڤی كەسی ئێزدی ژی هاتیە دیتن بۆ كەس و كارێن وێ هاتیە ڤەگەراندن كو هژمارەكا زۆر وەلاتیێن سڤیل یێن ئێزدی ل جینۆسایدا شنگال دا هاتینە گرتن و رەڤاندن وبێ سەروشینكرن. هەتا نۆكە ژی روفاتێن هزارەها كەسێن ئێزدی نەهاتینە دیتن وهیچ تشتەك ژ چارەنڤیسێ وان دیار نینە".
خۆیا ژی كر كو: "ئێزدیان قوربانیێن مەزن ل جینۆسایدا شنگال دان، هەموو جۆرێن زۆرداریێ ل ئێزدیان هاتنە كرن. گەلەك گەنج ولاو وكچ وژن و زارۆیێن ئێزدیان چوون، هەتا نۆكە ژی تیرۆرستێن داعش نەهاتینە سێدارەدان. گەلەك جاران مە داخازكریە داعش بهێنە سێدارەدان داكو خەمێن خەلكێ شنگال پیچەكێ سڤك بن".
تعليقات