"قاسم شه‌شۆ" رۆنكرنه‌كێ به‌لاڤ دكه‌ت
ئێزديخان نيوز:
فه‌رماندێ فه‌رماندا شنگال يا هێزێن پێشمه‌رگه‌يێ كوردستانێ رۆنكرنه‌ك به‌لاڤكر و ره‌تكر كو پشته‌ڤانيا ميرێ نوو ل شنگال هاتيه ده‌ست نيشانكرن كربت.
قاسم شه‌شۆ، فه‌رماندێ فه‌رماندا شنگال يا هێزێن پێشمه‌رگه‌يێ كوردستانێ ئيرۆ 5/8/2019ێ دراگه‌هاندنه‌كێ دا كو دانه‌ك بۆ مالپه‌رێ (ئێزديخان نيوز)هنارتيه دبێژت:"ژ دوهى وه‌ره چه‌ند په‌يچێن تۆرا جڤاكى يا فه‌يسبۆكێ وێنه‌كى وى و فه‌رمانده حه‌يده‌ر شه‌شۆ لگه‌ل كۆمه‌كا قاره‌مانێن به‌رخودانا چيايێ شنگالێ به‌لاڤ كرينه و دوێنه‌ى دا نايف داود يێ كو ژئاليێ لايه‌نه‌كى سه‌ربازى و حزبى و ژماره‌كا وه‌لاتيان ڤه وه‌ك ميرێ ئێزديان ل شنگال هاتيه ده‌ست نيشانكرن يێ دياره،ئه‌م دووپات دكه‌ين كو ئه‌ڤ وێنه گه‌له‌ك يێ كه‌ڤنه هه‌تا مێژوويا وى ديارنينه و چوو راستى بۆ نينه و فه‌رمانده ده‌مێ هاتنا ڤى كه‌سى بۆ مه‌زارگه‌هێ شه‌رفه‌دين نزانن كو ل چ رۆژێ بووويه،هه‌روه‌سا رۆژانه ب ده‌هان وێنه ژبال خه‌لكى و حه‌ژێكه‌رێن وى ڤه بۆ وى دئێنه گرتن بێ كو ئه‌و بزانن".
شه‌شۆ ته‌كه‌زكر:"ئه‌م ب هيچ ره‌نگه‌كى ره‌ت دكه‌ين كو پشته‌ڤانيا ڤى ميرێ نوو ل شنگال هاتيه ده‌ست نيشانكرن هاتبته كرن".
تعليقات