قایممقامێ شنگال:پشتی شەرێ داعش ناسنامە بۆ ١٨٠ ھه‌زار کەسان ھاتینە دەرخستن

ئەڤرۆ نیوز:

قایمقامێ شنگالێ دیار کر کو پشتی شەڕێ داعش ناسنامە بۆ ١٨٠ ھزار کەسان ژ ئاکنجیێن سنوورێ شنگالێ ھاتینە دەرخستن، بەلێ ھندەک خەلک ژ سووریا و وەلاتێن دی دھێنە شنگالێ و دڤێن ناسنامە بۆ وان بھێنە دەرخستن، ئەڤ چەندە ژی ب چو رەنگان جھێ قەبوولکرنێ نینە.

مەحما خەلیل، قایمقامێ شنگالێ ئاشکرا کر کو پشتی شەڕێ داعش خەلکەکێ مەزن ژ کورێن ئێزدی د بێ ناسنامەبوون، ئەوان ژی د وی دەمی دا دەست ب دەرخستنا ناسنامان بۆ خەلکێ شنگالێ کر و بۆ ڤێ مەرەمێ ژی چەندین تیم داناینە و ئەڤ تیمە د گەڕۆکن و دچنە د ناڤ کەمپان دا و کاروبارێن وان ب رێڤە دبن، بەلێ ھندەک خەلک ژ سووریا و وەلاتێن دی دھێنە شنگالێ و دڤێن ناسنامە بۆ وان بھێنە دەرخستن، ئەڤ چەندە ژی ب چو رەنگان جھێ قەبوولکرنێ نینە.

ناڤھاتی دیار کر کو ھەتا نوکە ناسنامە بۆ ١٨٠ ھزار کەسان ھاتیە دەرخستن و بۆ مالپەرێ فەرمیێ پارتی دیموکراتی کوردستان گۆت: “ئەم ب رێیێن قانوونی بەردەوامین ب پێدانا ناسنامان بۆ وان کەسێن ناسنامێن خوە بەرزەکرین”.