ل شاریا 41 پرۆژێن بچووك هاتنە ڤەکرن
تۆرا لالش يا راگه‌هاندنێ/شاريا
ل كۆمه‌لگه‌ها شاريا 41 پرۆژێن بچووك بۆ کچ و ژنێن رزگاربووی و کێم ده‌رامەت یێن ئاوارێن شنگالێ هاتنه ڤه‌كرن.
وەک پشتەڤانی بۆ کچ و ژنێن ئێزدی بۆ پەیداکرنا داهاتەکی خۆمالی، ل رۆژا پێنج شەمبوویێ 16/5/2019ێ بنگەهێ لالش تایێ شاریا ب پشتەڤانیا رێکخراوا (JDA )یا ئەمریکی رابوون ب ڤەکرنا 41 پرۆژێن بچووك بۆ کچ و ژنێن رزگاربووی و کێم ده‌رامەت یێن ئاوارێن شنگالێ ل کۆمەلگەها شاریا ئاكنجى.
پرۆژێن هاتینە ڤەکرن مینا دکانێن کەلوپەلێن خوارنێ، جوانکاریێن ئافرەتان،پەز، دکانێن گەرۆك، پەرگەهـ، کەلوپەلێن دروارێ و تەباخیێ بخۆڤه‌گرتبوون،کو ل ل پێ حەز و داخوازا وان هاتینە هەلبژارتن.
سەرجەمێ دراڤێ بۆ پرۆژان هاتیە تەرخانکرن 24,600دۆلارێن ئه‌مريكى بوون، بۆهەر کچ یان ژنەکێ 600 دۆلار هاتنه دان بۆ ڤەکرنا پرۆژێ خۆ.
د پلاندایە ل داهاتی ئەڤ جۆرە پرۆژە بەردەوام بن بۆ هندێ ژمارەکا مەزن ژ کچ و ژنێن کێم ده‌رامەت مفادار ببن.
تعليقات