تەرمێن ١٣٨ کوردێن ئێزدی بۆ بەغدا ھاتنە رەوانەکرن
ئەڤرۆ نیوز:
رێڤەبەرێ گۆڕێن ب کۆم ل شنگالێ دیار کر کو ھەتا نوکە ١٠ گۆڕێن ب کۆم ل شنگالێ ھاتنیە کۆلان کو تەرمێن ١٣٨ کەسان د ناڤ دابوون و رەوانەی فەرمانگەھا نۆشداری یا دادوەری ل بەغدا ھاتینەکرن داکو پشکنین بۆ بھێتەکرن و دووڤ دا رادەستی کەسوکارێن وان بھێنەکرن و گۆت: “پێشنیار ھاتیەکرن ھەموو د ناڤ گۆرستانەکێ دا بھێنە ڤەشارتن بۆ وێ چەندێ ببیتە ھێمایێ کارەساتا شنگالێ”.
رائید فەلاح حەسەن، رێڤەبەرێ گۆرێن ب کۆم ل شنگالێ دیار کر کو ب ئامادەبوونا نوونەرێ یوئێن ١٠ گۆڕێن ب کۆم ل شنگالێ ھاتینە کۆلان کو تەرمێن ١٣٨ کەسان د ناڤ دابوون و ئەو تەرم رەوانەی فەرمانگەھا نۆشداری یا دادوەری ل بەغدا ھاتینەکرن داکو پشکنین بۆ بھێتەکرن و دووڤ دا رادەستی کەسوکارێن وان بھێنەکرن و بۆ مالپەرێ فەرمیێ پارتی دیموکراتی کوردستان دیار کر کو بڕیارە پشتی جەژنا رەمەزانا پیرۆز ئێکسەر دەست ب کۆلانا گۆڕێن دی ژی یێن ب کۆم بھێتەکرن کو ھژمارا وان زێدەتری ٧٠ گۆڕێن ب کۆمە.
تعليقات