بێریڤان سه‌ليم: كێشا ئافرەتێن ئێزدی دێ دەینە كونسلخانەیا ئەمریكا
باسنيوز:
نوونەرا كوردێن ئێزدی و جیگرا سەرۆكێ جڤاتا پارێزگەها دهۆكێ دیار كر ئەڤرۆ 7/3/2019 مە قەستا قونسلخانەیا ئەمریكا ل هەرێما كوردستانێ كریە داكو بۆ كچ وژن و زارۆكێن رەڤاندیێن ئێزدی تشتەكی بكەن.
بێریڤان سەلیم شەمۆ، نوونەرا كوردێن ئێزدی و جیگرا سەرۆكێ جڤاتا پارێزگەها دهۆكێ بۆ (باسنیوز) دیار كر: "ب مەرەما دیتنا ریێن چارەسەری و پشتەڤانیكرن ئافرەتێن ئێزدی مە قەستا قونسلخانەیا ئەمریكا ل هەولێر كریە. دێ دگەل قونسلخانێ دان وستاندنان ل سەر كێشەیێن ئافرەتێن ئێزدی كەین بتایبەتی ژی كچ وژنێن بن دەستێ تیرۆرستێن داعش دا وپشتی رزگار ژی بن ل خێڤەتاندا دژین، تووشی ژیانەكا نەخۆش دبن. پێدڤیە دەمێ رزگاربن ژدەستێ داعش، ژیانا وان بهێتە خۆشكرن و هەولێن باشتر ژی بهێنە دان بۆ رزگاركرنا رەڤاندیێن ئێزدی".
خویا ژی كر: "سەربرینا 50 كچ وژنێن ئێزدی ژی مە گەهاندیە قونسلخانەیا ئەمریكا. ئەم رژدن كار لسەر هەموو كێشەیێن ئافرەتان بهێتە كرن و ئەم دخوازین ئەمریكا پتر پشتەڤانیا كچ وژنێن كوردێن ئێزدی بكەن بتایبەتی ژی د وارێ رزگاركرن و چارەسەری دا، دەمێ رزگاردبن بن دەستێ تیرۆرستان".
تعليقات