ب چاڤدێریا بەرێز"شێخ شامۆ"سێ هۆلێن لالش هاتنە نووژەنكرن
تۆرا لالش یا راگەهاندنێ/دهۆك
ب چاڤدێریا بەرێز"شێخ شامۆ"سەرۆكێ دەستەیا بلندا بنگەهێ لالش یێ رەوشەنبیری وكۆمەلایەتی،هۆلێن لالش ل چەند دەڤەرێن ئێزدیان هاتنە نووژەنكرن.
دوهی رۆژا چارشەمبوویێ 6ی ئادارا 2019ێ ب چاڤدێریا بەرێز"شێخ شامۆ"سەرۆكێ بنگەهێ لالش،هۆلا خێری بەگ ل ناوچەداریا باعەدرێ هاتە نووژەنكرن ب چێكرنا 12مەترێن جملۆنێ بۆ بەرفرەهتركرنا جیێ روونشتنێ و سەخبێركرنا قەنەپێن هۆلێ یێن ژ كاركەفتی و سبلێت و كارەب و موەلیدێ كارەبێ و سۆلین هۆلێ،دگەل دابینكرنا ١٥٠ مێزا و دروستكرنا بەوابەكێ بۆ دەرگەهێ سەرەكی یێ هۆلێ.
هەر ب چاڤدێریا سەرۆكێ بنگەهێ لالش هۆلا ل گوندێ بێتنارێ و كۆمەلگەها بابیرێ هاتنە نووژەنكرن و كەفتنە دخزمەتا خەلكێ دەڤەرێ دا بۆ گێرانا بیروەریێن جڤاكی.
تعليقات