سه‌رۆك بارزانی جه‌ژنا رۆژیێن ئێزی پیرۆز كر
WAAR-دهۆك:
سه‌رۆك بارزانی جه‌ژنا رۆژیێن ئێزی ل ئێزدییان پیرۆز كر و راگه‌هاند: شانازییه بۆ هه‌مییان كوردستان وه‌لاتێ برایه‌تی و پێكڤه ژیانێ بیت.
د په‌یامه‌كێ سه‌رۆك بارزانی ب هه‌لكه‌فتا جه‌ژنا رۆژیێن ئێزی پیرۆزباهی ل ئێزدیێن كوردستانێ و سه‌رتاسه‌رێ جیهانێ كرن و هیڤیخواستن ئه‌ڤ جه‌ژنه ده‌ستپێكا خوه‌شی و ئارامی و به‌خته‌وه‌رییا هه‌می ئێزدییان بیت یێن كو ل ده‌مێ بۆری ژ به‌ر دوورپێچا تیرۆرستان توشی كاره‌سات و ئاواره‌یی و ئازاران بووین.
د په‌یاما سه‌رۆك بارزانی دا هاتییه ژی: شانازییه بۆ هه‌مییان كو كوردستان وه‌لاتێ برایه‌تی و پێكڤه‌ژیانێ بیت و پێدڤییه ب هیمه‌تا هه‌موو ئالییان ئه‌و برایه‌تی و پێكڤه ژیان كوورتر و به‌رفره‌هتر ببیت.
تعليقات