فه‌ره‌نسا دوو ملیۆن یۆرۆ بۆ دوباره ئاڤاكرنا شنگالێ ته‌رخانكرن
ئەڤرۆ نیوز :
ئیمانوێل ماکرۆن سه‌رۆكێ فره‌نسا دێ دو ملیۆن یۆرۆیان ژبۆ دوباره ئاڤاكرنا شنگالێ ته‌رخان كه‌ت و هه‌روه‌سا دێ مافێ ئاكنجیبوونێ ل فره‌نسا ده‌ته 100 كچێن ژ ده‌ست داعشێ رزگاربووین.
كۆچكا ئیلیزێ یا سه‌رۆكاتیا فره‌نسا، د به‌یانه‌كێ دا راگه‌هاندیە، کو ئیمانوێل ماكرۆن، سه‌رۆكێ فره‌نسا د كۆربه‌ندا پاریس یا ئاشتیێ دا، دو ملیۆن یۆرۆ ژبۆ سندۆقا دووباره ئاڤاكرنا شنگالێ ته‌رخانكرن، ئه‌و پرۆژه یێ كو نادیه موراد، رزگاربوویا ده‌ستێ داعشێ و خودانا خه‌لاتێ نۆبلێ ده‌ستپێكری.
د وێ به‌یانێ ژی دا هاتیه: فره‌نسا دێ پشته‌ڤانیا كێم یا نه‌ته‌وێن رۆژهه‌لاتا ناڤین كه‌ت و دێ مافێ په‌نابه‌ریێ د سالا 2019 دا دەتە 100 كچێن ئێزدی یێن ژ ده‌ست داعشێ رزگاربووین.
هەروەسا دیارکریە ژی، فرەنسا دێ پشته‌ڤانیا سندۆقێن وه‌ك ڤی شێوه‌ی ژبۆ ئاڤاكرنا نه‌خۆشخانا و قوتابخانا و ده‌ستەیێن ساخله‌میێ كه‌ت ژبۆ دووباره ڤه‌گه‌ریانا كوردێن ئێزدی بۆ سەر دەڤەرێن وان.
تعليقات