ئه‌ندامێن ئەنجومەنێ پارێزگەها مووسلێ داخوازا ئاشتیێ دگەل ئێزديان دکه‌ن
ئێزديخان نيوز:
كه‌سايه‌تيه‌كى كوردێ ئێزدى دياركر داخوازا ئه‌ره‌بێن پارێزگه‌ها مووسلێ بۆ ئاشتيا گشتى لگه‌ل ئێزديان ره‌ت دكه‌ين.
نايف ره‌شۆ،كه‌سايه‌تيێ كوردێ ئێزدى د داخويانيه‌كێ دا بۆ مالپه‌رێ(ئێزديخان نيوز)راگه‌هاند:" ئه‌ره‌بێن پارێزگه‌ها مووسلێ داخوازا ئاشتیا گشتی لگه‌ل ئێزديان كريه،به‌لێ هەتا پەرلەمانێ عێراقێ بریارا جینۆسایدکرنا شنگالێ نه‌ده‌ت و هەتا کچ و ژن و زارۆکێن ئێزدى يێن ماینه د ده‌ستێ داعش نه‌ئێنه رزگاركرن وهەموو ئەو کەسێن نەدیار و هاتينه کوشتن نەبنه جانگۆرى و مووچه‌ك بۆ وان کەسێن ژ دەستێن داعش هاتينه رزگاركرن نه‌ئێته ته‌رخانكرن و قه‌رەبوويا خەلکێ شنگال و باشیك و بەحزانێ نه‌ئێته كرن هیچ ئاشتی نائێته کرن".
ره‌شۆ گۆتژى ئەندامێن ئەنجومەنێ پارێزگەها مووسلێ داخوازا ئاشتیا گشتی دگەل کوردێن ئێزدی ل شنگالێ دکه‌ن،لێ به‌رى ئه‌ڤ ئاشتى بێته كرن دخوازين هه‌موو مافێن ئێزديێن شنگال بێنه دابينكرن،ژبه‌ركو تووشى جينۆسايدێ و ده‌ربه‌ده‌رى و ئاواره‌بوونێ بووينه.
تعليقات