"نێزيكى 500خێزانێن ئێزدى قه‌ستا ئوستراليا كريه"
ئێزديخان نيوز:
پشتى رێكخراوا داعش كۆمكوژى ده‌رهه‌قێ ئێزديان ل شنگال ئه‌نجام داى،ب سه‌دان خێزانێن ئێزدى ده‌ست ب كۆچكرنێ بۆ ده‌رڤه‌ى وه‌لاتى كرينه.
ل رۆژا 3/8/2014ێ رێكخراوا داعش ده‌ست بسه‌ر ده‌ڤه‌را شنگال دا گرت و كۆمكوژى ده‌رهه‌قێ ئێزديان دا ئه‌نجام دا و كرێترين تاوان دژى خه‌لكێ بێ گونه‌هـ ئه‌نجام دان،هه‌روه‌سا ب هه‌زاران ئێزدى كۆچبه‌رى ده‌رڤه‌ى وه‌لاتى بوون.
چالاكڤانێ مه‌ده‌نى"سالم حسێن" ل وه‌لاتێ ئوستراليا ئاكنجى يه بۆ مالپه‌رێ (ئێزديخان نيوز) راگه‌هاند:"هەتا نهۆ نێزیکى 500 خێزانێن ئێزدی قه‌ستا ئوسترالیا كرينه و بسه‌ر چار باژێران دا به‌لاڤ بووينه و هاتنا وان هێشتا يا به‌رده‌وامه".
سالم گۆتژى ئه‌ڤ خێزانێن ئێزدى ژ شنگال و ده‌ڤه‌را وه‌لات شێخ و سووريا و كه‌مپێن توركيا هاتينه،پشتى داعش كۆمكوژى دژى ئێزديان ئه‌نجام دايى.
چالاكڤانى دازانين ژى به‌رى كۆمكوژيێ تنێ هه‌فت خێزانێن ئێزدى ل ئوستراليا بوون و ئه‌م پێشبينى دكه‌ين هه‌تا داويا سالێ ژمارا وان بگه‌هته 600خێزانان.
تعليقات