شانده‌كى ئه‌مریكى لگه‌ل میرێ ئێزديان كۆم دبت
باسنيوز:
نوونه‌را كوردێن ئێزدى د خۆلا سیێ یا په‌رله‌مانێ عیراقێ دا راگه‌هاند، دۆنالد ترامپى سه‌رۆكێ ئه‌مریكا 110 ملیۆن دۆلار بۆ كێمه نه‌ته‌وه‌یێن ل عیراقێ دژین و ب تایبه‌ت بۆ كوردێن ئێزدى و كریستیانان ته‌رخان كرن.
ڤیان ده‌خیل، پەرلەمانتارێن عێراقێ، بۆ (باسنیوز) راگه‌هاند، مه وه‌كو شانده‌كێ ئێزدى ب ئاماده‌بوونا میرێ ئێزدیان، كۆمبوونه‌ك ل گه‌ل شانده‌كێ بلند یێ ئه‌مریكى نوونه‌رێن كۆچكا سپى سازكرن و د كۆمبوونێ دا شاندێ ئێزدى ب سه‌رپه‌رشتیا میرێ ئێزدیان و سارا مه‌كین ژ نڤیسینگه‌ها جێكرێ سه‌رۆكێ ئه‌مریكا و ستیڤانى وابیش شیره‌تكارێ نڤیسینگه‌ها جێگرێ سه‌رۆكێ ئه‌مریكا دوگلاس سیلیمان كونسولێ رێكخراوا (USAID) و مارك كرین رێڤه‌به‌رێ گشتیێ ئاژانسا گه‌شه‌پێدانا نێڤده‌وله‌تى یا عیراقێ و هژماره‌كا كه‌ساتێن دى به‌رهه‌ڤ بوون.
ده‌خیل، ئاماژه ب وێ یه‌كێ كر، سه‌ره‌دانا شاندێ ئه‌مریكى بۆ دهۆكێ بۆ هندێ بوویه كو پێدڤیێن كوردێن ئێزدى و كێمه‌نه‌ته‌ویێن ل عیراقێ و هه‌رێما كوردستانێ دژین، بزانن و وان دیداره‌كا تایبه‌ت ل گه‌ل مه وه‌كو كوردێن ئێزدى كر و شاندێ ئه‌مریكى به‌حسێ هندێ كر كو ره‌وشا ئاواره‌یێن كوردێن ئێزدى گه‌له‌ك یا خرابه و پێدڤى ب خزمه‌تگۆزاریانه و پێدڤیه پرۆژه‌یێن تایبه‌ت بۆ وان بهێنه بجهئینان.
نوونه‌را كوردێن ئێزدى دیار كر ژى كو شاندێ ئه‌مریكى هنده‌ك دیدارێن تایبه‌ت ل گه‌ل وان ژنان كرن ئه‌وێن ژ ده‌ستێن داعش رزگاربووین و ئاشكرا ژى كر كو سه‌رۆكێ ئه‌مریكا دونالد ترامپى 110 ملیۆن دۆلار بۆ خزمه‌تكرنا كێمه‌نه‌ته‌وه‌یێن عیراقێ و هه‌رێما كوردستانێ ته‌رخانكرینه.
تعليقات