سه‌رۆك بارزانى:کۆمسیۆنێ مافێ دەنگدەرێن ئێزدیان خوارن و نەهێلا پارتی ل نەینەوا بسەر بکەڤت
WAAR-دهۆك:
سەرۆک بارزانی ل گەل بەربژارێن لیستا سەد و هەشتێ و چوار کۆم بوو و راگەهاند: کۆمسیۆنێ مافێ دەنگدەرێن ئێزدیان خوارن و نەهێلا پارتی ل نەینەوا بسەر بکەڤیت.
سەرۆک مەسعوود بارزانی ئەڤرۆ ل پیرمامێ ل گەل هەموو بەربژارێن پەرلەمانێ ئیراقێ یێن پارتییا دیمۆکرات یا کوردستانێ کۆم بوو و د گۆتارا خوە دا ژ بەبرژارێن دەرچوویی خواست، د سەرکەفتنان دا بلند نەفڕن و د شکەستنان دا ژی بێهیڤی نەبن.
گۆت ژی: ئارمانجا پارتی نە وەرگرتنا پلە و پۆستانە و پارتی نە ژ بۆ ململانێیا سیاسی، لێ ژ بۆ بەرگریکرنێ ژ مافێن گەلێ کوردستانێ هاتیە دامەزراندن.
سەرۆک بارزانی هەروەسا ژ ئالیێن سیاسی یێن کوردستانی خواست ب ئێک گۆتار و ئێکرێز پشکداری پرۆسەیا سیاسی یا ئیراقێ ببن.
سەرۆک بارزانی هەروەسا دەربارەی هەلبژارتنێن پەرلەمانێ ئیراقێ رەخنە ل کۆمسیۆنا بلندا هەلبژارتنان گرتن و راگەهاند: مافێن کوردێن ئێزدی هاتن خوارن، دا کو پارتی ل پارێزگەها نەینەوا نەبیتە سەرکەفتیا ئێکێ، کۆمیسیۆن ژی ب ئەرکێ خوە رانەبوو و نەشیا رێ ل وێ سەختەکاریا مەزن بگریت.
تعليقات