حكوومه‌تا هه‌رێما كوردستانێ سەرسالا ئـێزيدیان پیرۆز دكه‌ت
باسنيوز:
حکوومەتی هەرێمی کوردستان، بە بۆنەی جەژنی سەری ساڵی کوردانی ئێزدی (چارشەمبار سۆر)ی دانیشتووی هەرێمی کوردستان و دەرەوەی وڵات لە پەیامێکدا پیرۆزبایی لێ کردوون.
لە بەشێک لە پەیامەکەی حکوومەتی هەرێمی کوردستاندا کە ئەمڕۆ چوارشەممە 2018/4/18 بڵاو کراوەتەوە، هاتووە: "جەژنی چارشەمبا سۆر لە هەموو ماڵبات و کەسوکاری کوردانی ئێزدی لە کوردستان جیهان پیرۆز دەکەین و هیوادارین خوشک و برایانی ئێزدیی ئاوارە و ئەم جەژنە لە ئارامیدا دەرباز بکەن".
وێنەیەک لەو پەیامە بۆ ئاژانسی (باسنیوز) نێردراوە.
دەقی پەیامەکە:
حكوومه‌تا هه‌رێما كوردستانێ د په‌یامه‌كێدا جه‌ژنا سەرسالا ئـێزدیان (چارشه‌مبوا سۆر) ل ئێزدیێن كوردستانێ و ده‌ره‌ڤه‌ی وه‌ڵاتی پیرۆز كر، ئه‌ڤە ده‌قا وێ یه:
ب هه‌لكەفتا هاتنا جه‌ژنا سەرسالا ئـێزدیان (چارشه‌مبوا سۆر) به‌راهیێ هه‌موو وان زاڕۆك و ژن و گه‌نج و پیرێن ئێزدیان ب ڕێز و حورمه‌ت ب بیر تینین یێن كو لسه‌ر ده‌ستێ تیرۆرستا شه‌هید بوون، جه‌ژنا كه‌سوكار و مالباتێن وان و مالباتێن ئـێسیر و گرتیان و هه‌موو ئێزدیان ل كوردستانێ و جیهانێ ب گه‌رمی پیرۆز دكه‌ین، هیڤیدارین خوشك و برایێن مه یێن ئێزدی ڤێ جه‌ژنا خوه د ئارامی و ته‌ناهیێ دا ده‌رباس بكه‌ن.
ب هێڤیا كو ئێزدی و هه‌موو گه‌لێ كوردستانێ جه‌ژن و هه‌لكه‌فتنێن خوه یێن بێن د ڕه‌وشه‌كا باشتردا پیرۆز بكه‌ن و هه‌ڤوه‌ڵاتیێن مە ئێزدی و هه‌موو ئاواره و په‌نابه‌رێن دی ژ كه‌مپێن ئاوارەییێ ب سه‌رفه‌رازی ڤه‌گه‌ریابن سه‌ر مال و جھ و وارێن خوه یێن ئـازاد و ئاڤه‌دانكری.
ئـەم هەموو خوشک و برایێن خوە یێن ئـێزدی پشتڕاست دکەین کو هەموو هەولێن مە ژبۆ ئـازادکرنا خوشک و دایک و زاڕۆک و هەموو گرتییێن مە یێن ئـێزدی دێ بەردەوام بن و چ پێویست بیت ژبۆ ئـازادکرنا وان دێ هێتە کرن.
جاره‌كا دى جه‌ژنا چارشه‌مبوا سۆر ل هه‌مى ئێزدییان پیرۆز بیت، هه‌ر سال ب خێر و خۆشى.
حكوومه‌تا هه‌رێما كوردستانێ
١٨/٤/٢۰١٨
تعليقات