رێكخراوا داك داخوازا رزگاركرنا كچ و ژنێن گرتیێن ئێزیدی دكەت
ئێزیدخان نیوز:
رێكخراوا داك بۆ گەشەپێدانا ژنا ئێزدی،دێ رۆژا جیهانی یا ژنان ساخ كەت و داخوازا رزگاركرنا كچ و ژنێن گرتیێن ئێزیدی ژ دەست رێكخراوا داعش دكەت.
ڤیان ئەكرەم،ئەنداما رێكخراوا داك بۆ گەشەپێدانا ژنا ئێزدی بۆ مالپەرێ(ئێزیدخان نیوز) دیاركر:"ب هەلكەفتا رۆژا جیهانی یا ژنان كو دكەفتە 8/3/2018دێ چالاكیەكێ ئەنجام دەین و ئاهەنگان بڤێ هەلكەفتێ ناگێرین،ژبەركو ژنێن گرتیێن ئێزیدی د دەستێ رێكخراوا داعش دان،لێ تەنها دێ ڤێ رۆژێ ساخ كەین و شەمالكان ژبۆ وان دێ هەلكەین و ژبۆ پشتەڤانیا رزگاربوویان".
گۆتژی داخواز دكەین كچ و ژنێن گرتیێن ئێزیدی یێن هەتا نهۆ د دەست داعش دا ماین بێنە رزگاركرن،كو یێ تووشی هەموو شێوێن توندوتیژیێ دبن.
چاڤەرێ یە سبەی رۆژا پێنج شەمبوویێ 8/3/2018،رۆژا جیهانی یا ژنان ل سەرانسەری وەلاتێن جیهانێ بێتە ساخكرن.
تعليقات