كچه‌كا ئێزيدی پشتى رزگاركرنێ: دوو خوشكێن من ل سوریانه
باسنيوز:
كچه‌كا دى ئێزدى ل وه‌لاتێ سۆریا ژ ئالیێ نڤیسینگه‌ها رزگاربوویێن ئێزدى تێ رزگاركرن و ئاشكرا دكه‌ت كو چوار ساله ئه‌و و دوو خۆشكێن خوه ل وه‌لاتێ سوریا دژین.
حوسێن قائیدى، به‌رپرسێ نڤیسینگه‌ها رزگاربوویێن ئێزدى ل پارێزگه‌ها دهۆكێ بۆ (باسنیۆز) دیاركر، كچه‌كا 29 سالى یا ئێزدى ژ ده‌ستێن تیرۆرستێن داعش ب ناڤێ "مینا عه‌باس" تێ رزگاركرن و هێشتا دوو خۆشكێن وێ ژى كو ل گه‌ل وێ دابوون ل وه‌لاتێ سۆریا ماینه و نه‌هاتینه رزگاركرن و نها هه‌ولێن رزگاركرنا وان ژى تێنه كرن.
ئاشكرا ژى كر كو ئه‌ڤ كچه پشتى رزگاركرنێ ئاشكرا دكه‌ت كو ئه‌ڤه ماوێ چوار سالانه ئه‌و ل ژێر ده‌ستهه‌لاتا تیرۆرستێن داعش دا دژیت و ژیانه‌كا گه‌له‌ك سه‌خت بریه سه‌ر و دوو خۆشكێن وێ ژى ل گه‌ل دابوون و هێشتا نه‌هاتینه رزگاركرن و مینا دبێژیت هه‌ردوو خۆشكێن من هه‌رده‌م دگرین و داخوازا ئازادكرنێ و ڤه‌گه‌ریانێ بۆ ناڤ باوه‌شا خێزانێ دكه‌ن.
تعليقات