"بانگەوازیەكا بلەز بۆ پەنابەرێن ئێزیدی ل ئەلمانیا"
ئێزیدخان نیوز:
مالا ئێزیدیان ل باژێرێ ئۆلدنبۆرك ل وەلاتێ ئەلمانیا،دبەیاننامەكێ دا كو دیاركر كو لێپرسین لگەل پەنابەرێن ئێزیدی یێن ل سالێن(2015/2016)گەهشتینە ئەلمانیا دێ ئێتە كرن،لدووڤ زانیاریان رەنگە مافێ پەنابەریێ یێن سێ سالان ژێ بێتە ستاندن یان ئاستەنگا بێخنە هەبوونا وان ل وی وەلاتی.
دبەیاننامێ دا كو دانیەك ب دەست مالپەرێ(ئێزیدخان نیوز)كەفتیە تێدا هاتیە،زانیاریێن گرنگ ب دەست مە كەفتینە گرێدایی نە ب پرۆسا لێپرسینێ لگەل پەنابەرێن ئێزیدی یێن ل سالێن(2015/2016)و بەری وان گەهشتینە ئەلمانیا و ئەوێن مافێ پەنابەریێ ل وەلاتێ ئەلمانیا ب دەستڤە ئیناین ب رێیا داگرتنا فۆرمان بێ بچنە دادگەهێ.
ل ڤێ داویێ فەرمانگەها كاروبارێن كۆچێ (BAMF) رابوویە ب هنارتنا نامێن پۆستا بۆ كۆمەكا پەنابەرێن ئێزیدی پێك دئێت ژ ژڤانەكی نوو بۆ ئەنجام دانا دادگەهێ یان دادگەهەكا نوو ل فەرمانگەها ناڤهاتی، ئامادەبوونا كەسی یان خێزانی بۆ ڤێ فەرمانگەهێ نە دبەرژەوەندیا وی كەسی و خێزانێ دایە،چنكو لدووڤ زانیارییێن مە مافێ پەنابەریێ ئاكنجیا وان یا بۆ سێ سالان پێ هاتیە دان دێ ئێتە ڤەكێشان یان دێ ئاستەنگان ئێخن ل هەبوونا وان ل وەلاتێ ئەلمانیا.
ئەم ل مالا ئێزدیا ل ئۆلدنبۆرك بفەر دبینین نەچنە دادگەهێ بۆ ئەنجام دانا چاڤپێكەفتنێ ل وێدەرێ،ژبەركو برگەیەك نڤیسایە دوێ ناما هنارتی دا یا پۆستی ژبال دادگەهێ ڤە دبێژت ئەو كەس دكارت ئامادە نەبت بۆ دادگەهێ دەمێ كو دەستووری هەبت وەك كار یان قوتابخانێ و دیتر،هەروەسا دكارت نامەكا ئامادەنەبوونێ(Entschuldigung) بنڤیست و كۆمەكا رێكخراو و كۆمەلێن خێرخوازی و پارێزەران هەنە گەل مە دانە لدۆر ڤێ چەندێ نەچنە دادگەهێ.
جارەكا دی بانگەوازیا خۆ ئاراستەی رەڤەندا ئێزیدیا ل ئەلمانیا دكەین كو لەزێ نەكن یان بریارێ بدەنبۆ ئامادەبوونا چاڤپێكەفتنێ،چنكو دێ پرسا ئاكنجیا پێدایی ب وە پتر ئالۆز كەت یان پێرابوونێن دیتر دێ دادگەه ئێختە كار،دهەمان دەم دا ئەم نابینە ئاستەنگ درێیا هەر ئێكی دا وهەموو ئازادن ئەوا گونجای دبینن بۆ خۆ چ ئامادە بن یان نە.
بۆ زێدەتر زانیاریان دكارن پەیوەندیێ ب مە بكەن یان سەرەدانا مالا ئێزیدیان لسەر ڤان ناڤ و نیشانێن ل خوارێ بكەن:
Eidechsenstraße. 19
26133 Oldenburg
Tel: 04414850555
Yezidische Jugund Oldenburg / Facebook
دەستەكا كارگێری ل مالا ئێزیدیان ل ئۆلدنبۆك
تعليقات