دهێرشا سوپایێ توركیا دا بۆ سەر باژێرێ عەفرینێ دوو گەنجێن ئێزیدی هاتنە كوشتن
 |
| وێنێ گونده‌كى باژێرێ عه‌فرينێ پشتى تووشى بوردۆمانا توركيا بوويى |
ئێزیدخان نیوز:
ل 20/1/2018 باژێرێ عەفرینێ ل باكوورێ رۆژئاڤایێ سووریا تووشی بوردۆمانا دژوارا سوپاپێ توركیا و گرۆپێن ئیسلامی یێن هەڤپەیمان دگەل دا بوویە،دئۆپەراسیۆنا سەربازی یا توركیا ناڤكری (چقێ زەیتوون).
ژێدەرێن ئێزیدیان بۆ مالپەرێ(ئێزدینا)راگەهاندیە،د رووبه‌رووبوونێن سەربازی دا گەنجێ ئێزدی"عماد شەمۆ"خەلكێ گوندێ برج عبدالو یە و ل دووشەمبوویا بۆری درێورەسمەكێ دا دگەل 14كەسێن دی یێن سڤیل هاتنە ڤەشارتن ژبەر بوردۆمانا سوپایێ توركیا بۆ سەر مالێن وان دا هاتنە كوشتن .
ژێدەران گۆتیە ژی كو جانگۆریێ دووێ یێ ئێزیدی"ناسر عەلی"خەلكێ گوندێ قیبار هاتە كوشتن ل ناوچەداریا بلبلە ل دەمێ هێزێن سووریا دیموكرات هەولەكا هاتنا ناڤا گرۆپێن ئیسلامی شكاندی ل رۆژا ئینیا بۆری.
بوردۆمانا گوندێن ئێزیدیان ل عەفرینێ زیانەكا مەزن گەهاندیە بیستان و كەلوپەلێن وەلاتیان و بوویە ئەگەرێ پێلەكا ئاوارەبوونێ ژ گوندەكی بەرەف گوندەكی دی ژبەر بوردۆمانا دژوار،ل چەندین گوندان سڤیلێن ئێزیدی بەرەف شكەفتان چووینە بۆ خۆپاراستنێ ژ گوللەیان یێن ب شێوەیەكی بەرەلایی دكەفنە سەر مالێن وەلاتیان.
تعليقات