ڤەكۆلەرەكێ ئێزیدی:دفەرمانێن بەرێ دا پشت بەستنا مە سەر بەلگەنامێن ئۆسمانیا و دوژمنان بوون
ڤەكۆلەرێ ئێزیدی"داود موراد خەتاری"ئاشكەراكر كو هەتا نهۆ (74) فەرمان بسەرێ ئێزیدیان دا هاتینە،فەرمانا ڤێ داویێ ل شنگالێ یا مەزن بوو و دەیكا فەرمانایە پێتڤیە سەر مە دكیۆمێنت بكەین.
ئیرۆ رۆژا ئینیێ 5/1/2018ل هۆلا لالش2 ل كۆمەلگەها شاریا دچالاكیەكا بەرفرەه دا لدۆر كۆمكوژیا ئێزیدیان كو ژبال هەوا ئێتیمان هاتبوو ئەنجام دان ،ڤەكۆلەر"داود موراد خەتاری" سمینارەك پێشكێشكر و تێدا دیاركر"قەدەرا مە ئێزیدیان ئەوە ب فەرمانان هاتینە ناسكرن و چەند فەرمان بێن ئەم پتر خورت دبین و ئیمانا مە پتر بهێز دبت،هەتا نهۆ ئەڤە (74)فەرمان بسەر ئێزیدیان دا هاتن،بەرێ نهۆ دەمێ فەرمان چێدبوون مە پشت بەستنا خۆ دانا سەر بەلگەنامێن ئۆسمانیا و دوژمنی كو فلان فەرمان یا بسەر مە دا هاتی،ئیرۆكە دكیۆمێنتێن زیندی وێ دەستی مە دا،ئەگەر بەرێ مە نكاری بت وان فەرمانا دكیۆمێنت بكەین كو گەلەك ئاستەنگی هەبوون،بەلێ ئیرۆكە نابت ئەم سەرێ خۆ چەمینن،پیتڤیە سەر مە ڤان فەرمانا و ب تایبەت یا ڤێ داویێ ل شنگالێ كو یا مەزن بوو و دەیكا فەرمانا یە دكیۆمێنت بكەین".
خەتاری ئەو چەندە ژی ئاشكەراكر:"فەرمانێن بەری دوەختەكی كورت نە دمان و ئەڤ فەرمانا شنگالێ ل(3/8/2014)ئەڤە سێ سال و نیڤە یا بەردەوامە و دبت هێشتا دەمەكی دی ژی بكێشت،ئەگەر دكیۆمێنت نەكەین دی ژبیرا مە چت و ئەگەر وان ئێش و ئازار و نەخۆشیان ب ڤیدیۆ و وێنە نیشا خەلكەكی بكەین دێ بتە مێژوو بۆ مە و خەلكەكێ دی".
تعليقات