نووترین ئامارا قوربانیێن جینۆسایدا ئێزیدیان دێ ئێتە بەلاڤكرن
ئێزیدخان نیوز:
ل نێزیك نووترین ئامارا قوربانیێن جینۆسایدا ئێزیدیان ل 3تەباخا 2014ێ دێ ئێتە بەلاڤكرن.
ڤەكۆلەرێ ئێزیدی" داود موراد خەتاری"دراگەهاندنەكێ دا ئاشكەراكر:" ل نێزیك نووترین ئامارا قوربانیێن جینۆسایدا ئێزیدیان ل 3تەباخا 2014ێ دێ بەلاڤ كەین،تۆماركرنا ژمارا قوربانیان هەتا نهۆ ژ7هەزار و 400قوربانیا دەربازبوویە و دبت ژمارا قوربانیان 9هەزار قوربانی بن و بەردەوامین لسەر تۆماركرنێ".
خەتاری ئەو چەندە ژی رۆنكریە،بۆ هەر قوربانیەكی(ناڤێ سێ قولی،ژ دایكبوون،رەگەز،گوند یان كۆمەلگەه،هۆز،مێژوویا گرتنێ،مێژوویا كوشتنێ،مێژوویا رزگاركرنێ،جۆرێ تاوانێ،جیێ تاوانێ،وێنێ قوربانیان)دێ ئێنە تۆماركرن.
دەمێ رێكخراوا تیرۆرستیا داعش ل 3تەباخا 2014ێ هێرشێ قەزا شنگال كری،دئەنجام دا ب هەزاران وەلاتیێن كوردێن ئێزیدی هاتنە كوشتن و گرتن و دەربەدەركرن و وێرانكرن و تالانكرنا مالێن وان،لسەر ئاستێ نێڤ دەولەتی هەول دئێنە دان كۆمكوژیا ئێزیدیان ب جینۆساید بێتە ناساندن.
تعليقات