نادیا موراد:باژێرێ عەفرینێ و 21گوندێن ئێزیدیان ل سووریا راستی گەفان دبن
ئێزیدخان نیوز:
چالاكڤانا كچا ئێزیدی و بالیۆزا نیازپاقژیێ ل نەتەوەیێن ئێكگرتی،دبەیاننامەیەكێ دا ئاشكەراكر كو ژبەر ئۆپەراسیۆنێن سەربازی یێن گرۆپێن جودا جودا پێ رادبن، سڤیل ل باژێرێ عەفرینێ و 21گوندێن ئێزیدیان یێن دەوروبەر،رووبەرووی گەفەكا راستە راست دبن.
نادیا موراد، چالاكڤانا كچا ئێزیدی و بالیۆزا نیازپاقژیێ ل نەتەوەیێن ئێكگرتی،دوهی 30/1/2018دبەیاننامەیەكێ دا كو دانه‌يه‌ك ب ده‌ست(ئێزيدخان نيوز) كه‌فتيه راگەهاند:"سڤیل ل باژێرێ عەفرینێ و 21گوندێن ئێزیدیان یێن دەوروبەر،رووبەرووی گەفەكا راستە راست دبن ژبەر ئۆپەراسیۆنێن سەربازی یێن گرۆپێن جودا جودا پێ رادبن ل ڤان دەڤەران،دبینم رەوشا مرۆڤایەتی و ئەمنی تێك بچت ئەگەر ئەڤ ئۆپەراسیۆن نەئێتە سەكناندن،رەنگە گرۆپێن تیرۆری یێن توندرەو دەست بسەر ڤێ دەڤەرێ دا بگرن و ل وێدەرێ تاوانان ئەنجام بدەت وەك ئەوا داعش كری ل شنگال ل سالا 2014".
هەروەسا بانگەوازیا من بۆ جڤاكێ نێڤ دەولەتی و ئالیێن هەڤرك سڤیلان بپارێزن و رادەیەكی بۆ هەڤركیێن هەی دانێن و كاركرن لسەر ئاڤاكرنا پاشەرۆژێ كو ئاشتیێ بۆ هەموو گەلێ سووری ڤەگەرینت.
تعليقات