سەرۆك بارزانی: ریفراندۆم په‌یامه‌كا راست وره‌وا بوو
ئه‌ڤرۆنیوز:
سه‌رۆك بارزانی ل گه‌ل به‌رپرسێن سیاسی وحزبی وئیداری ل ده‌ڤه‌را به‌هدینان كۆمبوو، ل دۆر ره‌وشا هه‌رێما كوردستانێ، سه‌رۆك بارزانی دووپاتی ل سه‌ر پێدڤیا ب ئه‌نجامدانا هه‌لبژارتنان كر وه‌كو چاره‌سه‌ریه‌كا گونجای بۆ چاره‌سه‌ركرنا قه‌یرانا سیاسی ل هه‌رێما كوردستانێ وبه‌رچاڤكر ژی كو پێدڤیه فه‌رهه‌نگا پێكڤه‌ژیانا پێكهاتێن نه‌ته‌وی وئایینیێن هه‌رێما كوردستانێ وه‌كو خوه بمینیت وبهێته پاراستن وئه‌رك ومافێ هه‌موو لایه‌كی ب یه‌كسانی بهێته دیاركرن.
ئه‌ڤرۆ رۆژا شه‌مبیێ 16/12/2017، ل باژێرێ دهۆكێ، سه‌رۆك مه‌سعود بارزانی ل گه‌ل به‌رپرس وكارگێر وئه‌ندامێن لق وناوچه وئه‌ندامێن په‌رله‌مانێ وبه‌رپرسێن ئیداری وسیاسی وكادرێن پێشكه‌فتی یێن پارتی دیموكراتی كوردستان ل ده‌ڤه‌را به‌هدینان كۆمبوو.
د وێ كۆمبوونێ دا، سه‌رۆك بارزانی په‌یڤه‌ك بۆ به‌رهه‌ڤبوویان پێشكێشكر وتیدا سوپاسیا هه‌لویست وقوربانیدانا جه‌ماوه‌رێ سه‌ربلندێ ده‌ڤه‌را به‌هدینان دشه‌رێ تیرۆرێ وپشكداریا مه‌زن یا وێ ده‌ڤه‌رێ دپرۆسا ریفراندۆمێ دا كر.
سه‌رۆك بارزانی، سوپاس وپێزانین هه‌بوون بۆ خۆراگری وقوربانیدان وپێگیریا خه‌لكێ ڤێ ده‌ڤه‌رێ بۆ پرسێن نه‌ته‌وی ونیشتمانی وسلاڤ بۆ گیانێپاقژێ شه‌هیدان هنارتن وهیڤیا چاكبوونێ بۆ پێشمه‌رگێن بریندارێن شه‌رێ دژی تیرۆرستێن داعشێ خواست.
ددرێژیا په‌یڤا خوه‌دا، سه‌رۆك بارزانی، رۆناهی خسته سه‌ر دووماهی گوهۆرینێن سیاسی وهوورده‌كاریێن روودانێن 16 ئوكتۆبه‌رێ وقۆناغا پشتی ریفراندۆمێ وهه‌لویستێ جڤاكێ نێڤده‌وله‌تی وره‌فتارێن حوكمه‌تا عیراقێ بۆ به‌رهه‌ڤبوویان به‌حس وشرۆڤه‌كر.
سه‌رۆك بارزانی، زێده‌باری ئاماژه‌دانێ ب وان هۆكارێن كو گه‌لێ كوردستانێ هاندای بریارا ریفراندۆمێ بده‌ت، دووپاتی ل وێ چه‌ندێ كر كو ریفراندۆم بجهگه‌هاندنا ئه‌رك وپه‌یامه‌كا راست وره‌وا بوو.
ل دۆر ره‌وشا هه‌رێما كوردستانێ ژی، سه‌رۆك بارزانی دووپاتی ل پێدڤیا ئه‌نجامدانا هه‌لبژارتنان كر وه‌كو چاره‌سه‌ریه‌كا گونجای بۆ چاره‌سه‌ركرنا قه‌یرانا سیاسی ل هه‌رێمێ وئه‌وژی به‌رچاڤكر كو پێدڤیه فه‌رهه‌نگا پێكڤه‌ژیانا پێكهاتێن نه‌ته‌وی وئایینیێن هه‌رێما كوردستانێ وه‌كو خوه بمینیت وبهێته پاراستن وئه‌رك ومافێ هه‌موو لایه‌كی ب یه‌كسانی بهێته دیاركرن.
تعليقات