چارەنڤیسێ هەزاران گرتیێن ئێزیدی دیار نینە!/بەختیار قادر
چارەنڤیسێ هەزاران گرتیێن ئێزیدی دیار نینە!
بەختیار قادر
ل هەردوو وەلاتێن عێراق و سووریا رۆژ بۆ رۆژێ رێكخراوا تیرۆرستیا داعش یا ژ ناڤ دچت وبەرەف نەمانێ دچت،ئەڤە دەستكەفت و سەركەفتنەكا مەزنە بسەر ڤێ رێكخراوا هۆڤانە و درندانە كو چەندین تاوانێن دژی مرۆڤایەتیێ ئەنجام داینە،ب تایبەت د دەرهەقێ ئێزیدیان دا بگرە ژ كوشتن و تالانكرن و گرتن و سەبیكرن و ئاوارەبوونێ كرێترین تاوان كرن.
ل گۆر زانیاریان یێن كو پێشتر چەند بەرپرسێن ئێزدی بەلاڤكرین هەتا نهۆ داعش ژمارەیەكا زۆر ژ كچ و ژنێن ئێزیدیان بۆ دەرڤەی عێراقێ و چەند وەلاتێن كەنداڤی و سووریا و توركیا و هەتا ئەفغانستانێ ڤەگوهاستینە و كرین و فرۆتن پێ كریە،نڤیسینگەها رزگاركرنا رەڤاندیان ل پارێزگەها دهۆكێ ژی دایە زانین كو هێشتا پتر ژ سێ هەزار گرتیان دناڤ دەستێن داعش دا ماینە و نەهاتینە رزگاركرن،ل ڤێدەرێ پرسیار ئەوە دگەل ژناڤبرن و نەمانا داعشێ چارەنڤیسێ ڤان گرتیان دیارنینە كو كەس و كارێن وان و هەموو ئێزیدی چاڤەرێ ڤەگەریانا وانن بۆ ناڤ جڤاكێ ئێزدی و ب دیتنا وان شادببن.
لسەر بەرپرسێن ئێزیدیان ئیرۆ ب رێیا حكومەتا هەرێما كوردستانێ كو هەتا نهۆ سەر هەولدانێن خۆ بەردەوامە بۆ رزگاركرنا گرتیێن مایین زێدەتر گڤاشتنێ لسەر جڤاكێ نێڤ دەولەتی بكەن بۆ دیاركرنا چارەنڤیسێ سەدان كچ و ژن و زارۆك وزەلامێن ئێزدی.
تعليقات