شێخ شامۆ: بریار هاتە دان قوتابخانێن برایەتی بۆ قوتابیێن شنگالێ بێنە ڤەکرن
تۆرا لالش يا راگه‌هاندنێ
لسەر راسپاردێ جەنابێ سەرۆک بارزانی و پشتەڤانیا رێزدا" نێچیرڤان بارزانی"،ب سوپاس و پێزانینڤە دڤی بارودۆخێ پەریشان و تەنگاڤی دا بریارا ڤەکرنا قوتابخانا برايه‌تى(التاخي) بۆ قوتابیێن شنگال هاتە دان.
پشتی رێکكەفتی ١٣/١١/٢٠١٧ ، بەرێز"شێخ شامۆ" نوونەرێ ئێزدیا ل پەرلەمانێ کوردستانێ و سەرۆکێ دەستەیا بلندا بنگەهێ لالش،سەرەدانا وەزارەتا پەروەردێ کری و دیدارەک دگەل بەرێز "د.پشتیوان صادق" وەزیرێ پەروەردێ پێک ئانی، ئيرۆ رێکكەفتی ٢٦/١١/٢٠١٧ دکۆمبوونا دناڤبەرا بەرێز"عەمەر عەلی"رێڤەبەرێ گشتی یێ پەروەردا دهۆکێ و بەرێز شێخ شامۆ و بەرێز "شێخ حسێن"رێڤەبەرێ پەروەردا شنگال، بریارا ڤەکرنا قوتابخانا برايه‌تى هاتە دان ژبۆ قوتابیێن شنگالێ.
هێژایی گۆتنێ یە دڤان سێ سالێن بۆری دا چارەنڤیسێ نێزیکی( ٤٥٠٠)قوتابیێن ئێزدی یێن پۆلا ١٢ ئامادەیی هاتیە قورتالکرن ب رێيا ڤێ قوتابخانێ و کارینە ب پلەیێن باش دەربچن ژبۆ زانکۆ و پەیمانگەهێن کوردستانێ.
هەروەسا ب رێڤەبرنا ڤێ قوتابخانێ ژ روویێ پەروەردەیی ڤە ژئالیێ رێڤەبەریا گشتی یا پەروەردا دهۆکێ و پەروەردا شنگال ڤە دئێتە ئەنجام دان،ل گۆرەیی مەرجێن کارپێکری ل وەزارەتا پەروەردا حکومەتا هەرێما کوردستانێ.
ڤەکرنا ڤێ قوتابخانێ دڤی بارودۆخی دا ئەرکەکێ نەتەوی کوردستانی و پەروەردەیی و وژدانی یێ حکومەت و دام و دەزگەهێن کوردستانێ یە،ژبۆ قورتالکرنا چارەنڤیسێ هەزارەها قوتابیێن ئێزدی دڤێ قۆناغا نازک دا.
تعليقات