" ئاوارێن چیایێ‌ شنگالێ‌ داخوازا گازا سپی و گهۆرینا خیڤەتان دكەن"

ئێزیدخان نیوز:
دگەل نێزیكبوونا وەرزێ‌ زڤستانێ‌ ئاوارێن چیایێ‌ شنگالێ‌ بەرهەڤیان دكەن،ئەو چاڤەرێ‌ نە پێتڤیێن زڤستانێ‌ بسەر وان بێنە بەلاڤكرن.

ئیرۆ 11/10/2017ێ‌،ئەندامەكێ‌ جڤاتا ناوچەداریا سنوونێ‌ راگەهاند:"ئاوارێن ل چیایێ‌ شنگال نهۆ پێتڤی گەلەك پێتڤیێن فەرن".

سلێمان فانۆ، ئەندامێ‌ جڤاتا ناوچەداریا سنوونێ‌ بۆ مالپەرێ‌(ئێزیدخان نیوز)دیاركر:"خیڤەتێن ئاوارێن ل چیایێ‌ شنگالێ‌ ئاكنجی پێتڤیە بێنە گهۆرین و گازا سپی بۆ بێتە دابینكرن و ئاهێن خوارنێ‌ و ساخلەمیێ‌ لسەر بێنە بەلاڤكرن،زێدەباری بەلاڤكرنا جلكێن زڤستانێ‌ و دابینكرنا گازوایلێ‌ بۆ موەلیدێن كارەبێ‌ یێن هاتینە دانان ژبال دەزگەهێ‌ خێرخوازیێ‌ بارزانی ڤە".

پشتی رێكخراوا داعش یا تیرۆرستی ل 3/8/2014ێ‌ هێرشی قەزا شنگالێ‌ كری،ب هەزاران ئاوارێن كوردێن ئێزیدی قەستا چیایێ‌ شنگالێ‌ كرن و هەتا نهۆ دبن خیڤەتان دا لێ‌ دژین. 

تعليقات