"كۆچبەرێن ئێزیدی هاتنە خاپاندن"
 |
| ئه‌رشيف/وێنه‌كى كۆچبه‌ران د ده‌ريايا ئيجه‌دا |
ئێزیدخان نیوز:
چالاكڤانەكێ ئێزیدی راگەهاند،كۆچبەرێن ئێزیدی یێن ژ كوردستانێ بەرەف وەلاتێن ئەورۆپی ڤە دچن دئێنە خاپاندن.
پشتی كوردێن ئێزیدی تووشی كۆمكوژیێ بووین ل 3/8/2014ێ لسەر دەستێ رێكخراوا داعش،رێژەیەكا زۆرا كوردێن ئێزیدی كۆچبەری وەلاتێن ئەورۆپی بوون،ل دووڤ ئامارێن ژلایێ رێڤەبەریا گشتی یا كاروبارێن ئێزدیان ل كوردستانێ هاتینە راگەهاندن هەتا 90هەزار كەسێن ئێزیدی كۆچكرینە دەرڤەی وەلاتی.
دڤی واری دا چالاكڤانێ ئێزیدی"تەلال هسكانی"د داخویانیەكێ دا بۆ مالپەرێ(ئێزیدخان نیوز) گۆت:"كۆچبەرێن ئێزیدی یێن ل توركیا و ب رێیا ئاڤێ قەستا وەلاتێن ئەورۆپی دكەن ژلایێ قاچاخچیان ڤە دئێنە خاپاندن و ب سەردابرن كو دبێژنێ گەشتی و بەلەمێن وان دباشن و كێشە تێدا نینن و هەتا نهۆ گەلەك چووپ و بەلەم دئاڤا دەریایێ ئیجەدا ناڤبەرا توركیا و یونان دا نقوم بووینە ب دەهان كۆچبەرێن ئێزیدی گیانێ خۆ ژ دەست داینە،هندەك جاران ئەو كۆچبەران ب ناچاری سواری بەلەمان دكەن".
زێدەتر گۆت:"ئامامۆژگاریان ددەسنە هەركەسێ حەز هەی كۆچ بكەت ب رێیا ئاڤێ چووپی بكاربینت باشترە ژ بەلەمان و گەشتیان،چنكو گیانێ وی دێ پتر یێ پاراستی بت و هەماهەنگی لگەل تیمێن رزگاركرنێ یێن یەتامی و تیمائێزیدی یا هاوارهاتنێ ل یونانێ هەبت".
بەریا چەند رۆژێن بۆری گەشتیەكا كۆچبەران كو ب دەهان كۆچبەرێن ئێزیدی تێدا بوون دئاڤا دەریایێ بون دا ل ناڤبەرا توركیا و یونان دا نقووم،دئەنجام دا ژمارەكا كۆچبەرێن ئێزیدی گیانێ خۆ ژ دەست دا.
تعليقات