جڤاتا ريفراندۆمێ دێ بەلگەنامەیەکێ دگەل پێکھاتەیان ئیمزا کەت
WAAR-دهۆك:
جڤاتا بلند یا رێفراندومێ دێ دگەل پێكهاته‌یێن تورکمان و كرستیانان کۆم بیت و تێدا بەلگەنامەیه‌كا پاراستنا مافێن وان د دەولەتا کوردستانێ دا دێ هێته ئیمزا کرن.
په‌یامنێری وار ل هه‌ولێری راگه‌هاند؛ ئه‌ڤرۆ شانده‌كا جڤاتا بلند یا رێفراندومێ ب سه‌رۆكاتییا خه‌لیل ئیبراهیم نوونه‌رێ یه‌كگرتوویا ئیسلامی د جڤاتێ دا، دێ دگه‌ل پێكهاته‌یێن تورکمان و كرستیانان كۆمبن و مه‌ره‌م ژ كۆمبوونێ، ئیمزاكرنا بەلگەنامەیه‌كا گه‌ره‌نتی و پاراستنا مافێن وان پێكهاته‌یانه د دەولەتا کوردستانێ دا.
ئایدن مەعرووف، ئەندامێ مەکتەبا سیاسی یا بەرەیا تورکمانی ئاشکرا کر؛ ئەو دێ داخواز کەن کو تورکمان پشکداری هەموو پرۆسەیێن سیاسی یێن ده‌وله‌تا كوردستانێ ببن و پۆستێن بلند ژی وەربگرن.
بریاره هه‌ر دڤێ هه‌فتیێ دا، شانده‌كا جڤاتا بلند یا رێفراندومێ سه‌ره‌دانا كه‌ركووكێ ژی بكه‌ت و دگه‌ل پێكهاته‌یا عه‌ره‌ب كۆمببیت و گه‌ره‌نتیێ د ده‌وله‌تا كوردستانێ دا ژی بده‌ته وان.
تعليقات