بنگەهێ لالش بەرهەمەكێ نوو یێ هۆنەری بۆ پشتەڤانیا ریفراندۆما كوردستانێ راگەهاند
تۆرا لالش یا راگەهاندنێ/ئیڤان حەجی
ب پشتەڤانیا سەرۆكێ دەستەیا بلندا بنگەهێ لالش ل دهۆكێ بەرێز(شێخ شامۆ)،لسەر ئاستێ ئێزدیان بەرهەمەكێ نوو یێ هۆنەری كو ژ بەرهەمێ بنگەهێ لالشە لسەر پشتەڤانیا كوردێن ئێزدی بۆ ریفراندۆم و سەربەخۆیا هەرێما كوردستانێ دێ ئێتە چێكرن و راگەهاندن.
ئەڤ بەرهەمێ هۆنەری یێ نوو لسەر ئاستێ ئێزدیان دێ ئێتە چێكرن،ژبۆ پشتەڤانیا كوردێن ئێزدی یە بۆ ریفراندۆما هەرێما كوردستانێ،دڤێ كلیپێ دا تێكستێن سترانێ ژلایێ بەرێز(شێخ شامۆ) ڤە هاتینە نڤیسین و دێ ب كارێ پرودیوسەریێ ژی رابتن،ئەڤ ستران خویا دكت كو ریفراندۆم تاكە چارەسەرییا ئێش و ژانێن ئێزدیانە و داكۆكیێ ل هندێ دكت كا چاوان ئێزدی بەشەكێ رەسەنن ژ ئاخا كوردستانێ،ژبەر هندێ ژی تیپا شاریا فاكتەرەكێ سەرەكی یە تێدا و چار هۆنەرمەندێن ئێزدی دپشكدارن ژوانا هەردوو برا (عەلی و تەحسین فەقیر خدر، فەرست غەزالی و عدویە)یە.
هەر ئێك ژ جەعفەر سمۆ و مازن ئێسیانی بكارێ دەرهێنانا كلیپێ رابووینە و نهۆ دقۆناغا وێنەكرنێ دایە،كو ل پەرستگەها پیرۆزا لالش دێ ئێتە وێنەكرن و ل دەمەكێ نێزیك دێ ئێتە راگەهاندن.
تعليقات