ئەگەرێن نە وەرگرتنا دۆسەیا ئێزدیان ل دادگەها لاهای ئاشكه‌را دبن
باسنیوز:
بەرپرسێ دەزگەهێ ئێزدیان ل هۆلەندا دیاركركو چوار جاران دوسیەیا كوردێن ئێزدی ل سەر كارەساتا شنگال بۆ دادگەها لاهای یا هاتیە رەوانەكرن لێ هەتا نۆكە دادگەهێ ب فەرمی ئەڤ دوسیە وەرنەگرتیە و نەهاتیە رێڤەبرن بۆ جینۆساید ناساندنا كارەساتا شنگال.
حەسۆ هورمی، بەرپرسێ دەزگەهی ئێزدیان ل هۆلەندا بۆ (باسنیوز) دیاركر: "گەلەك جاران ئەم ل دادگەها لاهای بەرهەڤ بووینە بۆ رێڤەبرنا دوسیەیا جینۆسایدا شنگال و چوار جاران ئەڤ دوسیەیا بۆ دادگەهی یا هاتیە رەوانەكرن لێ هەتا نۆكە دادگەها لاهای نه‌وه‌رگرتییه. ژ بەر چەند ئەگەران ژوانا ژی حكوومەتا عێراقێ نە بوویە ئەندام لدادگەها لاهای هەروەسا ژی میكانزمەكا دروست ل دادگەها لاهای نینە ڤێ دوسیەیێ پێ رێڤەببەت یان دڤێت بەغدا ببیتە ئەندام یان ژی داواكاری گشتیی دادگەها لاهای قەستا جهێ كارەساتێ بكەت ئەو ژی بێ رازەمەندیا بەغدا ناهێتە كرن".
خۆیا ژی كر:" هەتا نۆكە بەغدا بریار نەدایە دادگەها لاهای قەستا جهێ كارەساتێ بكەت ئەڤە ژی ئاستەنگە وناهێتە رێڤەبرن بۆ رێڤەبرنا دوسیەیا جینۆسایدی ل دادگەها لاهای. پێدڤیە بەغدا هەڤكار بیت لێ بەغدا هیشتا چوو نەكریە".
ل رۆژا 3/8/2014 ئێزدی تووشی كارەساتەكا مەزن بوون ل سەر دەمێ حكومەتا مالیكی، هەتا نۆكە ژی برینێین وان نەهاتینە دەرمانكرن ل ڤان رۆژان دێ سالڤەگەرا سێه‌مین یا كارەساتا شنگال هێت هێشتا بەغدا یا بێدەنگه.
تعليقات