شێخ شامۆ: پاش ریفراندۆمێ دێ پشکا ئێزدیان ل كوردستانێ ببه%15
باسنيوز:
سەرۆكێ دەستەیا بلندا بنگەهێ لالش یێ رەوشەنبیری و كومەلایەتی دیاركر كو نێزیكی 90% ژ ئێزدیان هێشتا گرێدایی حكومەتا عێراقی نە ژلایێ ئیداری ڤە، پرۆسا ریفراندۆمێ دێ ببە گرەنتیا چارەنڤیس و مافێ ئێزدیان ل هەرێما كوردستانێ.
شێخ شامۆ، نوونەری كوردێن ئێزدی ل پەرلەمانێ كوردستانێ و سەرۆكێ دەستەیا بلندا بنگەهێ لالش یێ رەوشەنبیری وكومەلایەتی بۆ(باسنیوز) دیاركر: "پشتی دەڤەرێن ئێزدیان ژ ئالیێ ئیداری ڤە دكەڤنە هەمبێزا كوردستانێ، هنگێ نوونەراتیا ئێزدیان دێ گەهتە 15% ژگەلێ كوردستانێ. ناما سەرۆك مەسعود بارزانی بۆ پێكهاتێن كوردستانێ یا رۆنە و هەموو پێكهاتان دێ پاشەرۆژەكا گەش ل كوردستانێ دا هەبیت،چونكو كوردستان پەناگەها هەموو نەتەوە و مەزهەب و ئایینایە و بنگەهێ پێكڤەژیان و ئاشتیێ یە".
خویا ژی كر: "ئه‌م ب هەموو هێز وشیانێن خوه پشتەڤانیا سەرخستنا ریفراندۆمێ دكەن وهەموو تا و نڤیسینگەهێن لالش یێن هاتینە راسپاردن ل سەر هوشیاركرنا خەلكێ بۆ دەنگدانێ ب دەنگێ بەلێ بۆ ریفراندۆمێ وسەربەخۆیا كوردستانێ كار بكەن".
تعليقات