وەرگرتنا ئێزدیان نە تەنێ بۆ پرۆپاگندێ بە/ئارام دھۆكی-كەنەدا
وەرگرتنا ئێزدیان نە تەنێ بۆ پرۆپاگندێ بە
ئارام دھۆكی-كەنەدا
پشتی كە جڤاكێ ئێزدی ھاتیە جینوساید كرن بدەستێن رێكخراوا تێروستی یا داعش، گەلەك وەلاتێن ئەورۆپی و ئەمریكا و كەنەدا ...ھتد مینا بەرخوردەك مرۆڤاتی رابوون بقەبۆلكرنا چەندین خێزانێت ئێزدیان وەكو پەنابەر و مشەخت وەرگرن بۆ وەلاتنێ خۆ. لێ لڤێ پروسێسێ وەكو خۆیایە ھنەك شاشی تێن كرن مرۆڤ بگومانە كو ئەڤ شاشیێن ھەنێ بی مەخسەت و مەرەم چێ دبن یان ژی تەنێ ئەوە كو بێت گووتن فلان وەلات چ قاس دیموكراتخازە و ماف مرۆف پەرێسە ئەوژی بۆ مەرەمێن سیاسی. ئەگینا لڤان دوو كێسێن خارێ كو دێ شرۆڤەكەم چەوان دبە ئەڤ رەنگە شاشیە بێن كرن.
ژ وەلاتێن كو دەرگەھێ وەلاتێ خۆ ڤە كری و بسینگەك بەرفرەھ پیتە دای بوەرگرتنا ئێزدیان ولاتێ كەنەدا كە گەلەك جھێ رێز و شانزایێیە. لێ دڤێ پروسێسا وەرگرتنێ دا ھن كێس ھاتینە وەرگرتن گەلەك سەیرە چەوان بڤی ئاوای ئەڤ خێزانە ئیناینە بێی كو كەسەك دناڤا خێزانێدا ھەبیت ھەر چ نەبیت چاڤێ خۆ لێ بكە. خێزانە 7 كەسی ل دەستپێكا ڤێ سالان نوو كە خەلكی شنگالێنە كەنەدا وەرگرتیە و نھو ل كەنەدانە. لێ چ جوورە خێزانەك. داییكەك و دوو كچ و چار نەڤی كە ھەموو زاروكن. دایكەكا وەستیای و نەخۆش ئەو بخو پێتبڤی ھاریكاریێ یە كە چ دوو كچێن وێ ئانینە یەك ژ وان تەمەنێ سیھ سالی و لسەر كورسیێ نە دەست و نە پێ ژ كار كەتینە بدەست رادكەن و بدەست دئینن. كچا دووێ كو گەنجە و خۆدانا 4 زارۆكانە، ئەو 2 سالان ددەستێن رێكخراوا داعش دابوون و نووكە تووشی نەخۆشیێن دەروونی و گەلەك زەربێن كوشتینێ بسەری كەتینە وەكو تێنت خۆیا كرن ژ لای دكتورێن بەرسڤە ئەڤ ژنە دەملدەست ھەر دەمەكی دبیت بكەڤە و ھایژ خۆ نە بە و ئەڤ یەك پتر ژ جارەكێ ریدایە ھندی ھاتیە كەنەدا، رامنا وێ ئەڤە ژی دڤێت لبن چاڤدێریەكا باش بە نە تەنێ ژلایێ بزیشتك و تایبەتمەندانڤە بەلكو كەس ھەبن لمال چاڤدێریێ بكەن. مەرەما من ژ بابەتی ئەوە كو ئەڤ خێزانە ھاتیە وەرگرتن بێی كو خاندنەك باش بۆ بێت كرن و پاشان بێن وەرگرتن، ژ ھەموویان گرنگتر دڤێت ئەڤ خێزانە كەسانەك نێزیك د گەل وەرگرتبا بھەر ئاوایەكی با پاشان دگەل ھەڤ ھاتبان ڤێرە. ئەڤا ئەم ژێ دبێژین تەنێ ژ لایێ نێرینا تەندروستی و چاڤلێكرنێ ڤە ئەڤە ژبلی كی دێ سوبە بۆ ڤان ئوتومبیلەكێ كریت و ھاژوت، كی دێ چیت خاندنگەھێ و زمانی فێربیت و كارێن وان یێن ساكار و سادە برێڤە ببە ھەر چ نە بە تەلەفونەكا یا فەر ژ بەر كو ھەڤكاریا كەنەدی بۆ دەمەك دیاركریە و پاشان ھەر لایەك وێ فرێكە بۆ لایەك دن و بدەھان سەرگێژ لدیفرا دێن بۆ دابین كرنا پاریێ ژیانێ. ئەڤە لدەمەكی جھێن بەپرسیار دوو دكتور كربوونە تەیارێ دا حەتا گەھاندینە كەنەدا و دەمێ گەھشتین ھەردوو دكتور زڤرینەڤە. راستە ئەڤە كارەك باش بوویە لێ ئەو پارە و بوودجا لوان ھەردوو دكتوران سەرف كری دكارین ل كەسانەك نێزیكی وان بمەزێخن بۆ مەرەما مە بەحسكری.
وەرگرتنا پەنابەران كارەك مرۆڤایتە و كەنەدا درێغی نەكریە دڤی بواریدا، لێ گەەلەك فەرە كێسا بێت وەرگرتن پتر لسەر راوەستان ھەبیت و وێنێ كێسێ ژ ھەموو ئالیان ڤە وەر دیتن پاشان پێنگاڤێن دن بێن ھاڤێتن. دەما مرۆڤ خێزانا ناڤكری دبینە ئاگر ژ دلێ مرۆڤی دچە، لەوان ئەڤ كێشە پتر دگەل ئەندام پەرلەمانەكی ڤەكر ژ بەر كو كارێ من دگەل پەنابەرانە مینا جڤاك ناسەك دگەل كاردكەم، برێیا ڤێ مژارێ ئەز دخازم كاربەدەست و لایەنێن بەرپرس ئاگادار كەم كو پتر ئاگەھ ژ وەرگرتنا پەنابەرا بن ژ لایێ وەلاتێن ناڤكریڤە، ژ بەر كو نەتنێ وەرگرتنا پەنابەران تەنیا بەلا ژ خۆ ڤەكرن بە یان مەرەمێن سیاسی لپشت بن، دڤێت مافێ بەرنابەراتیێ مرۆڤاتیێ لبەر چاڤ وەرە وەرگرتن.
پشتی كە جڤاكێ ئێزدی ھاتیە جینوساید كرن بدەستێن رێكخراوا تێروستی یا داعش، گەلەك وەلاتێن ئەورۆپی و ئەمریكا و كەنەدا ...ھتد مینا بەرخوردەك مرۆڤاتی رابوون بقەبۆلكرنا چەندین خێزانێت ئێزدیان وەكو پەنابەر و مشەخت وەرگرن بۆ وەلاتنێ خۆ. لێ لڤێ پروسێسێ وەكو خۆیایە ھنەك شاشی تێن كرن مرۆڤ بگومانە كو ئەڤ شاشیێن ھەنێ بی مەخسەت و مەرەم چێ دبن یان ژی تەنێ ئەوە كو بێت گووتن فلان وەلات چ قاس دیموكراتخازە و ماف مرۆف پەرێسە ئەوژی بۆ مەرەمێن سیاسی. ئەگینا لڤان دوو كێسێن خارێ كو دێ شرۆڤەكەم چەوان دبە ئەڤ رەنگە شاشیە بێن كرن. 
تعليقات