"هەتا نۆكە ئێزدیان تایبەتمەندیا خۆ ل ئەلمانیا نینە"
ئێزدیخان نیوز:
مافپەروەرەكێ ئێزدی رادگەهینت،كو ئەوا نۆكە ل ئەلمانیا چێدبت د دۆسەیا ئێزدیان دا چوو تایبەتمەندییا خۆ نینە،وەك كێمینە سەرەدەریێ دگەل دا دكەت وەك كێمینەیێن دیتر یێن چەوساندی و یاری د دۆزا ئێزدیان دا هەیە.
مافپەروەرێ ئێزدی" هیمن فرج خێری بەگ"د داخویانیەكێ دا بۆ مالپەرێ(ئێزدیخان نیوز)گۆت:"ئەوا نۆكە ل ئەلمانیا دبینم د دۆسەیا ئێزدیان دا چوو تایبەتمەندییا خۆ نینە و ئەلمانیا وەك كێمینە سەرەدەریێ دگەل دا دكەت وەك كێمینەیێن دیتر یێن چەوساندی،بەلگە ژی ئەوە زێدەبوونا حالەتێن رەتكرنێ یێن بۆ ئێزدیان دئێن ل ڤی ماوێ داویێ دا ل وی وەلاتی،ئەڤ وێ چەندێ خویا دكەت كو یاری د دۆزا ئێزدیان دا هەیە و ل دووڤ دیتنا من ئالۆزیێن دناڤبەرا مە دا ئەو ژی پشكەكن ژ ئاریشێ ئەوا گەهشتیە ڤان دەرئەنجامان".
ئەڤ مافپەروەرێ ئێزدی دبێژت ژی ل سەر ئێزدیان پێتڤیە ئێكگرتی بن و لۆبیەكێ بهێز و ناڤەندی دروست بكەن،ئارمانجاما وی یا ئێكێ و داویێ رۆنكرنا ئەوا ئێزدی ژێ دنالن و دەستێوەردانێ دناڤ كاروبارێن سیاسی دا نەكەت.
تعليقات