حكوومه‌تا هه‌رێمێ دێ ل سه‌ر كه‌یسا بجینۆساید ناساندنا كارەساتا شنگالێ ل سه‌ر ئاستێ نێڤ ده‌وله‌تى به‌رده‌وام بت
ڕێزداران ل دەستەیا بلندا بنگەهێ لالش ـ دهۆك
ب هـەلكەفتا 24ه‌مین سالڤه‌گه‌ڕا دامه‌زراندنا بنگەهێ لالش، گەرمترین پیرۆزباهیێ ئاراستەی ئەندام و كادرێن وە ل ته‌ڤایا بنگه‌ھ و نڤیسینگه‌هێن وه و كوردێن ئیزدی ب گشتی دكه‌ین.
بنگەهێ لالش كو ساڵا ١٩٩٣ێ هاته دامه‌زراندن و دروشمێ سه‌ره‌كیێ وێ ژی (لالش كانیەكا زەلالە دهورتە د ڕووبارێ ڕەوشەنبیریا كوردیدا)، ل هه‌مبه‌ری هه‌می ئالۆزی و ئاسته‌نگیان ڕاوه‌ستیا و ب هه‌ول و مانیدبوونا كادرێن خوه ژ ڕەوشەنبیر و ئەكادیمی و خەمخۆرێن كولتوور و جڤاكا ئێزدییان، بنگەهێ لالش لسه‌ر پێشكه‌تنێ به‌رده‌وام بوو و جھ و بنگه‌هه‌ك هەژی دناڤا سازی یێن هـەرێما كوردستانێدا گرت.
جینۆسایدا دەڤەرا شنگالێ و ئه‌و زوڵم و ستەم ژی یاكو تیرۆرستێن داعش ل ئێزدییان كری، مه و حكوومەتا هەرێما كوردستانێ هان دده‌ت لسه‌ر پشتگیریكردن و پشته‌ڤانیكرنا بنگه‌هێ لالش و سازی یێن دی یێن ئێزدی به‌رده‌وام بین داكو بكارن خزمەتا ئێزدییان جڤاك و سازیێن ئیزدییان بكەین و ئه‌و ژی ب ئارامی ل سەر ئاخا خوە و نێزیكی پەرستگەهـ و پیرۆزییێن خوە ل كوردستانێ، ژیان و كار و خەباتێن خوە بدۆمینن.
حكوومه‌تا هه‌رێما كوردستانێ وه پشتڕاست دكه‌ت كو هەتا خوشك و برایه‌كێ ئێزدی ل هه‌ر جهه‌كێ د ده‌ستێ داعشێدا مابیت، دێ هه‌موو هه‌ولێن خوه ده‌ت وان ڕزگار بكه‌ت. حكوومه‌ت دێ لسه‌ر كه‌یسا بجینۆسایدناساندنا كارەساتا شنگالێ لسه‌ر ئاستا نێڤده‌وله‌تی به‌رده‌ام بیت و ژبۆ ڤێ ئـێکێ، چ پێویست دێ ئه‌نجام ده‌ت.
هه‌روه‌سا حكوومه‌تا هه‌رێما كوردستانێ دێ هه‌موو هه‌وله‌كێ ده‌ت ده‌ڤه‌را شنگالێ د هه‌می واران ده بێته ئاساییكرن ب تایبه‌تی د وارێن ئاڤه‌دانكرن و دابینكرنا ته‌ناهیێ و ڤه‌گه‌ڕاندنا ئاواره‌یان دا.
دوبارە ساڵڤه‌گه‌ڕا دامەزراندنا بنگەهێ لالش پیرۆز دكەین و هیڤیا بەردەوامی و پیشڤەچوونێ بۆ كار و خەباتا وە دخوازین.
نێچیرڤان بارزانی
سه‌رۆكوه‌زیرێ هه‌رێما كوردستانێ
12-5-2017
تعليقات