ل بیرەوەرییا 24یا دامەزراندنا بنگەهێ لالش: درژدین ل سەر بەردەوامیدانێ ب پەیرەوێ خۆ
ل بیرەوەرییا 24یا دامەزراندنا بنگەهێ لالش: درژدین ل سەر بەردەوامیدانێ ب پەیرەوێ خۆ
ئیرۆ ئینیێ،بیرەوەرییا 24ێ یا دامەزراندنا بنگەهێ لالش یێ رەوشەنبیری و كۆمەلایەتی دەرباز دبت ل سەر دەستێ كۆمەكا ژ كەسایەتیێن ئێزدی یێن ڤیانا ئێزدیاتیێ و كوردایەتیێ ل هەڤ كۆمكرین وئاڤاهیا ئێكێ یا مەزنترین دەزگەهێ رەوشەنبیری و كۆمەلایەتی یێ ئێزدیان ل 12/5/1993ل باژێرێ دهۆكێ داناین.
دامەزراندنا بنگەهێ لالش و هێشتا پێتڤیەكا دیرۆكی یە بۆ كوردێن ئێزدی،بۆ بەرەڤانیكرنێ ژ مێژوو و نەریتێن وان یێن ئایینی و گرێدانا وان یا نەتەوەیی یا كوردی،د هەوێن ژ گومان و شێلۆكرنێ ئەوێن رژێما شوفێنی یا عێراقی یا بەرێ دروستكرین ب پەرتۆك و ڤەكۆلەرێن خودان ئایدۆلۆژی هەمبەر حەموو پێكهاتێن ئایینی و نەتەوی ب ئارمانجاحەلاندنا كەلتۆرێن جودا جودا،وەسان چەندین دەرەوێن جودا جودا لبن ناڤێ تەعریبكرنێ ل دژی ئێزدیێن ئاشتیخواز بەلاڤكرن ئەوێن ل پاریەكێ نانی دگەرێن و تنێ ب ئاشتیانە بژین و وەسان،ل هەمبەر بنگەهێ لالش و یێن ل سەر دا كۆمەكا كۆمەكا ئاستەنگا ل سەر ئاستێن جودا هەبوون،ب تایبەت ل دەمێ دامەزراندنێ تەنها 10%ژ دەڤەرێن ئێزدیان ب سەر هەرێما كوردستانێ ڤە بوون،بەلێ ئەو دەڤەرێن دیتر دبن كۆنترۆلا رژێما بەرێ یا عێراقێ دابوون هەتا نیسانا سالا2003ێ.
ژبەر گرنگیا رۆلێ وی دئالیێن جودایێن ژیانێ دا،رەوشەنبیری و جڤاكی و هتد،تایی بۆ بنگەهی ل دەڤەرێن دی یێن ئێزدیان هاتنە دامەزراندن،هەروەسا نڤیسینگەه ل هندەك دەڤەران هاتنە دامەزراندن ل سەر داخوازا گەنجان و رەوشەنبیران ل دەڤەرێن جودایێن ئێزدیان،و یێن ل سەر تایی و نڤیسینگەهان چالاكیێن هەمەرەنگ پێشكێشكرن كو ب هەر ئاوایەكی نائێنە ئاماركرن،بۆزانین بنگەهێ لالش پێشەنگ بوو بۆ ڤەكرنا تایان ل دەڤەرێن شنگال و دەشتا نەینەوا پێشەنگ بوو دڤی بیاڤی دا،بەلكو ئەو بوویە پێشەوا بۆ هەمی ئالی و پێكهاتێن دیتر یێن لەزكرین بۆ دامەزراندنا بنگەه و رێكخراوێن رەوشەنبیری وەك بنگەهێ لالش،ئاماژێ ددەین كو جڤاكێ ئێزدی ل دەڤەرێن رزگاركری پاش نیسانا 2003ێ كاری وی كەش و هەوای ب هێزبكەت دناڤبەرا وێ و دناڤبەرا دەڤەرێن دی یێن ئێزدیان دا،و د دەمێ 10سالان دا حەموو بنگەهێن لالش كاردكن و هەڤركی دناڤبەرا وان دا هەیە بۆ خزمەتكرنا خەلك و جڤاكێ مە،ل ئابا/ئوغوستس 2014ێ دەمێ رێكخراوا تیرۆرستیا داعشێ دەست ب سەر شنگالێ دا گرتی،و كوشتارێن درندانە ژ كوشتن و گرتن و ژناڤبرن و دزین و پەقاندنا مەزارگەهێن ئایینی ئەڤ كارێ هەنێ بوو ئەگەرێ ئاوارەبوونا دۆرێن 400هەزار ئێزدی ژ شنگال و باشیك و بەحزانێ و دیتر،بنگەهێ مە دەست گرتی نەما،بەلكو ب دەهان ژ ستافێ وی چوونە لگەل پێكۆلێن هاوار هاتنێ و پێشكێشكرنا دەستێ هاریكاریێ بۆ خەلكێ مە ل كەمپان و ژ دەرڤە،و گەلەك ژ وان روودانێن دلئێش ناڤەرۆكێن جودا هاتنە دیكیۆمێنتكرن،و مە ئەرشیفەك هەیە رێ كورتكریە بۆ گەلەكان ئەوێن دگەرێن ل كارەساتا شنگال و ئازارێن خەلكێ وێ، و رابووین ب دانا وان ئاماران بۆ رێكخراوێن نێڤ دەولەتی و هەرێمایەتی،ب ئارمانجا گەهشتنێ كو ئەوا ب سەرێ خەلكێ مە دا هاتی تاوانەكا كۆمكوژیا بكۆمە(جینۆساید)ژبۆ قەرەبووكرنا زیانپێكەفتیان و سزادانا تیرۆرستان و ئەوێن نان و خوێ حەرام كرین .
ئەوا بنگەهێ لالش پێ رابووی پشتی كارەساتا شنگالێ نابت بێتە كوتركرن،بەلێ ئەم دووپات دكەین كو یا دشیان دابووی مە كر بۆ خزمەتكرنا خەلكێ خۆ و دۆزەیا مە،و دێ بەردەوامبین بۆ خزمەتكرنا وان لدووڤ شیانێن لبەر دەست هەین دڤی دەربارەی دا،وەكو دامەزراندنا بنگەهێ مە پێتڤیەكا دیرۆكی و رەوشەنبیری بوو بۆ ئێزدیان،ئەو پێتڤیەكا نەتەوەیی ژی بوو،چنكو دەنگ هەبوون نەتەوەییا كوردی یا ئێزدیان د دەمێ رژێما عێراقی یا دكتاتۆری یا گۆربگۆر تێكدەن،ئەڤ هزرێن وەسان یێن شۆفینی هەول دان ب ڤێ لاپەرا سۆتی یاریێ بكن بۆ ب دەست ڤە ئینانا دەستكەفتان ل سەر كیسێ راستیێن مێژوویی و جوگرافی،و هەول دان رەه وریشالێن كێشە و بەلبەلێ ب چینن دناڤبەرا ئێزدیان و گەلێ كوردستانێ دا،بەلێ حەموو هەولێن وان شكەستن و سەرنەگرتن،ژبەركو ب زەحمەتە راستی بێنە بەروڤاژیكرن،و وەسان بنگەهێ لالش سەلماند كو"كانیەكا زەلالە دهورتە درووبارێ رەوشەنبیری یا كوردی دا"لپێ وی دروشمێ هاتی دامەزراندن دبن ناڤ و نیشننێ وی یێ رۆن دا،و بنگەهێ مە دێ ل سەر پەیرەوێ خۆ یێ ئێكێ چتن،بۆ پشتەڤانیكرنا ئێزدیاتیێ و كوردایەتیێ،هندی سەرێ نەینوكێ ژی ئەم دەستا ژ ڤێ رێبازێ نابەردین سەرەرای حەموو گهۆرین و كاودانان،چنكو تاقیكرنان بۆ مە دووپاتكر كو دەستگرتن ب راستیان خۆ چەند مابت،تاقیكرنا بنگەهێ لالش د درێژاهیا 24سالان دا نە وەك هاتییە راخستن ب گولان وەك هندەك دبینن،بەلكو تاقیكرنەك بوو پێكهاتی بوو ژ كاران و پێكۆلێن دووڤ ئێك دا،دەما دەستپێكری و هەتا ئیرۆ رۆژ پشتەڤانیێ لێ دكەین ب كارێ رژد ل سەر ئاستێن جودا،رەوشەنبیری و كۆمەلایەتی و سیاسی،دكاودانێن ناڤخۆیی و هەرێمایەتی و نێڤ دەولەتی یێن نە جێگیر دا،وەكو بنگەهێ لالش بوویە پرەك بۆ پشتەڤانیكرنا رەوشەنبیریا پێكڤەژیان و لێبۆرینا ئایینی و هەڤ قەبوولكرن ب رەوشەنبیریا یێن دی و رێزگرتنێ ل هەجۆریێ،و پێكۆلێن مەزن ئێخستنە كار دڤی لایی دا ژ دەما دامەزراندنا وی بۆ ماوەیەكێ نێزیك دا،ئەو دێ بەردەوام بت هولدانێن خودهەمان دەم دا بنگەهی رابوو ب رۆلێ خۆ ببتە مەنبرەكێ ئازاد بۆ ئازارێن ئێزدیان ل دەڤەرێن وان یێن رزگاركری ب رێیا ئەنجامدانا دیدارێن رەوشەنبیری دگەل كەسایەتیێن فەرمی و حكومی یێن ئاست بلندا،و بنگەه دێ بەردەوام بت ب ڤان چالاكیان ژبۆ گەهاندنێ دناڤبەرا وەلاتی و بەرپرسان دان،بۆ سەكناندنێ ل سەر ئەگەرێن گیرۆكرنا خزمەتكاریان و رێگریكرن ل پێكۆلان و سپاندنا كاروبارێن ئەرێنی ب سەر یێن نەرێنی دا،ژبۆ ساناهیكرنا لڤینا ڤەگەریانا ئاواران بۆ دەڤەرێن وان و پێشكێشكرنا باشترین خزمەتكاریان بۆ وان،ژبلی زانینا هەلویستێ خەلكێ مە ژ رێڤەچوونا روودانێن هەرێمایەتی و ناڤخۆی بۆ ئارمانجا دەست نیشانكرنا بەرژەوەندیێن جڤاكێ ئێزدی و كاركرن ژبۆ ب دەستڤەئینانا وان ل گۆر چارچووڤەكی كوردستانی ،بنگەهێ مە دێ بەردەوام بت ل سەر پەیرەوێ خۆ یێ رەسەن،و دێ مینت بۆ بەرەڤانیكرنێ ژ مافێن ئێزدیان ل دووڤ ئەوا یاكو دشیاندا بیت،هەروەسا دێ حەموو پێكۆلێن خۆ ئێخستە كار بۆ خزمەتكرنا خەلكێ كوردستانێ،چنكو ئەم پشكەكا گرنگین ژ رێكخراو و بنگەهێن رەوشەنبیریێن دی یێن كوردستانی ئەوێن دئێن پالدان بەرەف ب دەست خستنا خەون و هیڤیێن گەلێ كوردستانێ بەرەف مافێ چارەنڤیسێ ئەوێ مافەكێ سروشتی یێ حەموو گەلێن ئازاد وئازا .
ب ڤێ هەلكەفتێ سوپاسی و رێزگرتنێن خۆ پێشكێشی حكومەت و سەركردایەتیا هەرێما كوردستانێ و یێن بها گران دكەین و ب تایبەت بەرێز"مەسعوود بارزانی"سەرۆكێ هەرێمێ،و برا "نێچیرڤا نبارزانی"سەرۆك وەزیرێن هەرێمێ،ل سەر پشتەڤانیا وانا بەردەوام بۆ بنگەهێ مە ژ دەما دامەزراندنا وی و هەتا ئیرۆ.
دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
12/5/2017
تعليقات