قوتەبخانەكا ئۆلی بۆ ئێزدیان ل ئەلمانیا هاتە ڤەكرن
ئێزدیخان نیوز:سفیان دلكانی
ئیرۆ رۆژا شەمبوویێ 15ی نیسانا 2017ێ،مالا ئێزدیان ل پارچەیا نیدرزاكزن ل باژێرێ بانی،قوتەبخانەكا ئۆلی ڤەكر،ژبۆ فێركرنا زمانێ دەیكێ و قەیمكرنا زارۆكان ل سەر رێ و رەسمێن ئۆلی یێن ئێزدیان.
بانی سالح شنگالی،ئەندامێ مالا ئێزدیا ل باژێرێ بانی بۆ مالپەرێ(ئێزدیخان نیوز)گۆت:"ئەڤ قوتەبخانا ئۆلی دێ گرێدایی رێ و رەسمێن ئۆلی یێن ئێزدیا بت و فێركرنا زارۆكان ل سەر زمانێ دەیكێ،ئەڤ قوتابخانە هەر هەفتیێ رۆژا شەمبوویێ دێ وانێن خۆ ب رێڤە بەت".
شنگالی داخوازێ ژ هەر مال و كۆمەلەكا ئێزدیا دكەت كو كارێن وەسا بێنەكرن،ژبۆ پاراستنا ئۆلا ئێزدی و زمانێ وان.
پشتی كارەساتا ب سەر خەلكی شنگالێ دا هاتی،ب هەزاران ژ ئێزدیا قەستا ژ دەرڤەیی وەلاتی كرن،نۆكە پتریا كۆچبەرێن ئێزدی ل وەلاتێ ئەلمانیا ئاكنجی نە و گەلەك مال و كۆمەلێن ئێزدیا ل وی وەلاتی هەنە.
تعليقات