WAAR-دهۆك:
میرێ ئێزدییان ل جیھانێ و جڤاتا رۆحانی یا ئێزدییان ئەڤرۆ ل پەرستگەھا لالشێ دگەل سەدان رزگاربوویێن دەستێ داعشێ كۆم بوون.
ل گۆری زانیارییێن وار، ئەڤرۆ ل سات ١١ ل پەرستگەھا لالشێ، میر تەحسین بەگ میرێ ئێزدییان ل جیھانێ، دگەل نێزیكی ٣٠٠ رزگاربوویێن دەستێ داعشێ كۆم بوو و گۆتارەك بۆ وان پێشكێش كر.
كۆمبوونا میری دگەل رزگاربوویان ل دەمەكی یە، دوھی ٣٦ ژن و زاڕۆیێن دی یێن ئێزدی یێن شنگالێ ب ھاریكارییا ھێزێن پێشمەرگەی ھاتبوونە رزگار كرن.
ئامارێن فەرمی ژی ئاماژە دكەن، نێزیكی ٦ ھزار كوردێن ئێزدی كەفتبوونە دەست داعشێ و تا نھا نێزیكی ٣ ھزار ژ وان ھاتینە رزگار كرن.
تعليقات