ئێزدی دێ چاوا ژ چەك و فەرمانا رزگاربن/هەڤال نەورۆزعەلۆ
ئێزدی دێ چاوا ژ چەك و فەرمانا رزگاربن
هەڤال نەورۆزعەلۆ
ب درێژاهیا دیرۆكێ ژنا كورد ب تایبەت یا ئێزدی چەكێ شەرەف و كەرامەتێ ل سەر ئاخا شنگالێ راكرینە، ئێزدی هەر بوینە قوربانێن شەر و جەنگێن دەولەتێن دەوروبەر، شنگال ئێك ژ دەڤەرێن ڤەقەتیاییە كو د كەفتە سەر ماددەیا 140،ل 3 ئاب 2014 كەفتیە ژێر دەستهەلاتا رێكخراوا تیرۆرستی یا داعش و ئەڤێ رێكخراوا تیرۆرستی جینۆسایدەكا مەزن ب سەرێ ئێزدییان ئانی و ب هەزاران خەلك دەربەدەر و پەریشان كرن ب هەزاران كچ و ژن و زارۆك و زەلام كەفتنە ژێر دەستهەلاتا وان و دەهان تاوانێن نە مرۆڤاتی ل هەمبەری خەلكێ شنگالێ ئینان، پشتی سالەكێ ژ لایێ هێزێن پێشمەرگێن كوردستانێ ڤە نیڤ باژێر هاتییە رزگاركرن، لێ هێشتا نیڤا دن دبن دەستهەلاتا رێكخراوا ناڤبری ڤە نە هاتیە رزگاركرن.
نۆكە ژی دەستێن گەلەك هێز و پارتێن سیاسی یێن ناڤخۆیی و دەرڤە كەفتیە سەر ئاخا پیرۆز یا شنگالێ و بوویە گۆرەپانا شەرێ خوون دئێتە رێتن ل سەر ئەڤێ ئاخێ هێشتا جینۆساید ب داوی نەهاتییە خەلك ب دروستی نەزڤریە سەر مال و ملكێ خۆ ئەڤ هێز و نەحەزێن ئێزدییان دڤێن شنگال ببە گۆرەپانا برا كوژیێ ، ژبەركو زەرەرمەندێن مەزن بدەن كو ئەو ژی خەلكێ شنگالێ و ئێزدینە دناڤ ئەڤان پارت و هێزان ڤە دئێنە سۆتن، داكو ئێدی خوینا برا كوژیێ نەئێتە رێتن و شەر و ئالۆزی پەیدا نەبن و ژ چەك و فەرمانا رزگارببن.
ئیرۆ دڤێت ناڤ مالا ئێزدییان دگەل میر و جڤاتا رۆحانی ورێكخراوا یەزدا و بەرپرس و كەسێن پسپۆر و رەوشەنبیر ل هەڤ ب جڤن و بریارەكا هەڤدەنگ بدەن و دەنگێ خۆ و بەیانناما خۆ بۆ حكوومەتا هەرێما كوردستانێ وئاستێن نێڤ دەولەتی بلندكن و شنگال بێتە پاراستن ژلایێ هێزێن نێڤ دەولەتی و ببە پارێزگەهەكا سەربەخۆ و ئیدارا وێ ژ لایێ خەلكێ شنگالێ ڤە بێتە ئیدارەكرن و ببە سەر ب هەرێما كوردستانێ ڤە،داكو خەلك بزڤرتە سەر جه و وارێ خۆ و ژیان ڤەگەرت وەك جاران شنگال بێتە پاقژكرن ژ نەحەز و دوژمنێن ئێزدییان و شنگال ب تەمامی بێتە ئاڤەدانكرن ژ هەموو ئالیان ڤە، دیرۆك یا پر بوویە ژ فەرمان و كۆمەل كوژیێن ئێزدیان،داكو ژ ئەڤی ئاگر و چەكێ برا كوژیێ رزگارببن.
ب درێژاهیا دیرۆكێ ژنا كورد ب تایبەت یا ئێزدی چەكێ شەرەف و كەرامەتێ ل سەر ئاخا شنگالێ راكرینە، ئێزدی هەر بوینە قوربانێن شەر و جەنگێن دەولەتێن دەوروبەر، شنگال ئێك ژ دەڤەرێن ڤەقەتیاییە كو د كەفتە سەر ماددەیا 140،ل 3 ئاب 2014 كەفتیە ژێر دەستهەلاتا رێكخراوا تیرۆرستی یا داعش و ئەڤێ رێكخراوا تیرۆرستی جینۆسایدەكا مەزن ب سەرێ ئێزدییان ئانی و ب هەزاران خەلك دەربەدەر و پەریشان كرن ب هەزاران كچ و ژن و زارۆك و زەلام كەفتنە ژێر دەستهەلاتا وان و دەهان تاوانێن نە مرۆڤاتی ل هەمبەری خەلكێ شنگالێ ئینان، پشتی سالەكێ ژ لایێ هێزێن پێشمەرگێن كوردستانێ ڤە نیڤ باژێر هاتییە رزگاركرن، لێ هێشتا نیڤا دن دبن دەستهەلاتا رێكخراوا ناڤبری ڤە نە هاتیە رزگاركرن.
تعليقات