شاندەكێ ئێزدی دگەل وەزارەتا دەرڤەیا ئەمریكا كۆمبوو
ئێزدیخان نیوز:
شاندەكێ رەڤەندا ئێزدیان ل واشنتن و ئەندامێن بنگەهێ ئەمریكی یێ ئێزدی،سەرەدانا وەزارەتا دەرڤەیا ئەمریكی دكەن.
مالپەرێ بەحزانێ نێت دیاركر شاند دگەل ئەندامێن نڤیسینگەها ئازادییا ئایینی ل دەرڤەیا ئەمریكی و ژمارەكا فەرمانبەرێن كارگێرییا نوو ل وەزارەتێ كۆمبوو،كو رەوشا كێمینەیا ب شێوەیەكێ گشتی و ئێزدیان ب تایبەتی گەنگەشەكرن،هەروەسا ل سەر دۆزا ئێزدیان و رەوشا ئێمناهیێ و مرۆڤایەتی و خزمەتكاری یێن تێرا دەرباز دبن شرۆڤەكرنەك پێشكێشكرن.
دلایەكێ دی یێ كۆمبوونێ دا شاندێ داخواز ژ كارگێرییا ئەمریكی یانوو كر دەستێوەردانێ بكەت بۆ سەكناندنا هەڤركییا چەكدار دناڤبەرا لایەنێن سیاسی ل شنگالێ.
هەر دكۆمبوونێ دا تەكەز ل سەر دۆسەیا گرتییان و گۆرێن بكۆم و ئاوارەیان و كاركرن ب هەموو پێكۆلان بۆ ئازادكرنا گرتییان و شیانێن ئاكنجیكرنا رزگاربوویێن ئێزدی ل نەتەوەیێن ئێكگرتی یێن ئەمریكا و پاراستنا گۆرێن بكۆم ژ ناڤچوونێ و بەلگەیان و دكیۆمێنتكرنا وان.
تعليقات