ئەنجوومەنێ بلندێ رۆحانیا ئێزدیان بەیاننامەیەک ل سەر رەوشا شنگالێ بەلاڤکر
ئێن ئارتى
ئەنجومەنێ بلندێ ئێزدیان د بەیاننامەیەکێ دا داخازکریە هەر هێزەک کو هاتیە قەزا شنگالێ و پاراستیە، پێدڤیە ڤەگەرێتە جهێ خۆ یێ بەرێ.
نۆچەگەهانێ ئێن ئاڕ تی راگەهاند، ئەڤرۆ ئەنجومەنێ بلندێ ئێزدیان پشتی کۆمبوونەکا دوو دەمژمێری ل پەرستگەها لالش ب سەرۆکاتیا حازم میر تەحسین بەگ، جێگرێ میر تەحسین بەگ میرێ ئێزدیان بەیاننامەیەک دەربارێ ئالۆزیێن قەزا شەنگالێ بەلاڤکر.
دبەیاننامەیا ئەنجومەنی دا هاتیە " پێدڤیە هەر هێزەک کو هاتیە دەڤەرا شنگالێ و قەزا پاراستیە، پێدڤیە ئێکسەر دەڤەرێ بجێبێلیت و بچنە جهێن خۆ یێن بەرێ.
د بەشەکا دی یا وێ بەیاننامێ دا ئەنجومەنێ رۆحانیا ئێزدیان داخازکریە کو نابیت روویدانا شەرێ براکۆژیێ وەک دوهی دووبارە بیتە ڤە، چونکی ئێزیدی کەتینە ناڤا ئاریشان و نابیت بکەنە بەشەک ژ هەڤرکیێن قەزا شنگالێ.
نوچەگەهانێ ئێن ئاڕ تی راگەهاند ژی ، هەر چەندە د بەیاننامەیا ئەنجومەنێ بلندێ رۆحانیا ئێزدیان ب دیارکری ئاماژە ب چ لایەنەکێ دیارکری نەکریە، لێ داخاز کریە کو هەمی ئەو هێزێن کو ل مەها ئابا سالا ٢٠١٤ێ هاتینە قەزا شنگالێ بۆ پاراستنا ئاکنجیێن وێ ژ ترسا چەکدارێن داعشێ، پێدڤیە ڤەگەرنە جهێن خۆ یێن بەرێ ، چونکی ئەڤە د بەرژەوەندیا وەلاتیێن ئێزدی و دەڤەرێ یە وەک د وێ بەیاننامێ دا هاتیە.
رێکەفتی ٢ێ ئادارا ٢٠١٧ێ هێزەکا پێشمەرگێ رۆژئاڤا کو نێزکن ژ پارتا دیموکراتا کوردستانێ چونە دەڤەرا خانەسۆر ل شنگالێ و دوهی ژی ٣ێ ئادارێ دناڤبەرا وێ هێزێ و شەرڤانێن یەکینەیێن بەرخودانا شنگالێ ( یەبەشە) دا شەر روویدا کو کوشتی و بریندار هەبویە و نها شەر راوەستایە.
تعليقات