بەیاننامەیەك ژ نادیا موراد سەبارەت روودانێن شنگالێ
بەیاننامەیەك ژ نادیا موراد سەبارەت روودانێن شنگالێ
نادیا موراد،چالاكڤان و رزگاربووی ژ كۆمكوژیا ئێزدیان،بالیۆزا نەتەوەیێن ئێكگرتی دبەیاننامەیەكێ دا،دوهی رێككەفتی 3ئادارێ راگەهاند:" ئێزدی یێ دكۆمكوژیەكا بەردەوام دا هەتا نۆكە،پتر ژ 3هەزار ژن و زارۆك هێشتا ئێخسیرێن داعشێ نە،مخابن دبینن قوربانیێن كۆمكوژیا بكۆم یێ دبنە قوربانیێن شەرێ ناڤخۆیی".
ب دوو دلیەكا مەزن تەماشەی پێشهاتێن رەوشێ ل شنگالێ دكەم،پشتی هلبوونا ململانێیەكا چەكدار دناڤبەرا گرۆپێن ناكۆك ل باژێرێ خانەسۆرێ،من گوه لێ بوو كوشتی و بریندارهەینە ژ هەر دوو ئالیان و سڤیل ئاوارەبوونە دپێلەكا ترسێ دا دناڤبەرا وان دا،ئەو روودانێن 3ئابا 2014ێ ل بیرا وان دئینت.
ئێزدی یێ دكۆمكوژیەكا بەردەوام دا هەتا نۆكە،پتر ژ 3هەزار ژن و زارۆك هێشتا ئێخسیرێن داعشێ نە،سەرەرای ل سەر هندێ هەموو دەڤەرێن باشوورێ شنگالێ دبن دەسەلاتا داعشێ دان،ئەو تشتەكە و مخابن دبینن قوربانیێن كۆمكوژیا بكۆم و ئەو یێ دبنە قوربانیێن شەرێ ناڤخۆیی،ئەو تشتەكێ دلئێشە دبینن ژنا ئێزدی یا دحالەتەكێ ترسێ دا دژیت و جارەكا دی پشتی وێ هەموویا ب سەر دا هاتی.
ل ڤێدەرێ ژ هەموویان دخوازم زالبوون ل سەر خۆ و دەست ژ بەردان ژ هەڤركیێن ناڤخۆیی یێن خزمەتا قوربانیێن كۆمكوژیێ ناكەن،دیسان داخوازێ ژ هەموویان دكەم ب سەكنن دئێك رێزدا بۆ بەرهەنگاربوونا تیرۆرێ یا جێوازی دناڤبەرا شنگال و كۆبانێ دا نەكر، دناڤبەرا كەركووك و بەغدا،ئەڤ رێكخراوا تیرۆرستی دڤێت دەست ب سەر گەلێن دەڤەرێ دا بگرت و ململانێیەكا ناڤخۆیێ سەرهەلبدەت گەلەك بەرژەوەندییان وان بكەت.
هەروەسا بانگەوازییا خۆ ئاراستەی هەموو ئێزدیان دكەم داكو نەكەڤنە هەڤركیێن هەی ل دەڤەرێ،هەر جۆرەكێ هەڤركیێ بت،ژبەركو دوژمنێ مە داعشە و نه‌ديتر.
ل داویێ ژ هەردوو ئالیان دخوازم هەڤركیا هەی بلەز ب سەكنینن و زمانێ دانوستاندنێ بكەن ل سەر بنەمایێ عەقلانە دوور ژ رەفتارێن نە دبەرژەوەندییا قوربانیێن كۆمكوژیا بكۆم دا و گەلێن دەڤەرێ و شەرێ سەر داعشێ.
دیسان ژ هەموو هێزین هەڤال دخوازم ئێكگرتی بن دژی داعش و گرۆپێن تیرۆرستی و تەكەزێ ل هەڤكریێن دیتر نەكەن.
نادیا موراد
چالاكڤان و رزگاربووی ژ كۆمكوژیا ئێزدیان،بالیۆزا نەتەوەیێن ئێكگرتی
تعليقات