فلمێ دۆکیۆمێنتاری یێ ژنێن چیا دێ هێتە نەمایشکرن
ئێن ئارتى
دگەل نێزیکبوونا رۆژا جیهانیا ژنان ل باژێرێ سلێمانیێ فلمێ دۆکیۆمێنتاری یێ ژنێن چیا، کو بەحسێ ژیانا ژنێن شنگالێ دکەت دێ هێتە نەمایشکرن.
زانا حەمە کو بەرهەم هێنەرێ فلمێ ژنێن چیایە د داخویانەیەکا تایبەت دا بۆ ئێن ئاڕ تی گۆت، فلمێ دۆکیۆمێنتاری یێ ژنێن چیا ژ دەرهێنانا موقەدەس ئاکینە و داوی ب کارێن وی فلمی هاتیە و ب هەلکەفتا رۆژا جیهانیا ژنان دێ هێتە نەمایشکرن.
زانا گۆت، چیرۆکا وی فلمی بەحسێ ژیانا ژنێن شنگالێ دکەت د دەمێ هێرشا داعش بۆ سەر شنگالێ و پشترا ژی بەحسێ گەهشتنا ژنان دکەت کا چاوا ئەو گەهشتنە سەر چیایێ شنگالێ و ئەو دەردەسەریا بسەرێ وان هاتیە.
فلمێ ژنێن چیا ژ بەرهەمئانینا (ئێکەتیا ژنێن کوردستانێ) و (مالا سینەما)یە، کو داڤید دیل کامپۆ و بریار بەختیار کارێ وێنەگرتنێ ژبۆ کریە، و نیهال ئالتان ژی کاری مونتاژی بۆ کریە.
فلمێ ژنێن چیا رۆژا چارشەمبیێ رێکەفتی ٨ێ مارس ل هۆلا تەوار ل دەمژمێر ١:٣٠ خولەکێ پشتی نیڤرۆ دێ هێتە نەمایشکرن.
تعليقات