هه‌زار چه‌كدارێن ئێزديخانێ دێ كه‌ڤنه سه‌ر وه‌زاره‌تا پێشمه‌رگه‌ی
WAAR – دهۆک:
فەرماندەیێ هێزێن پارستنا ئێزدیخانێ راگەهاند؛ بریار هاته دان هێزا وان بكه‌ڤیته سەر ب وەزارەتا پێشمەرگەی ڤه.
حەیدەر شەشۆ فەرماندەیێ هێزێن پاراستنا ئێزدیخانێ بۆ مالپەرێ پارتی دیموکراتی کوردستان راگەهاند؛ سه‌رۆكێ هه‌رێمێ بریار دایه كو زێدەتر ژ هزار چەکدارێن هێزا ئێزیدخانێ ب فه‌رمی بكه‌ڤنه سه‌ر ب وه‌زاره‌تا پێشمه‌رگه‌ی ڤه و نها تۆماركرنا ناڤان یا به‌رده‌وامه.
حەیدەر شەشۆ گۆت ژی “پێدڤیە هێزا وان ئیستحقاق و چەکی وەرگریت و مەشق ب وان بێتەکرن، و ب فەرمی وان بێخنە سەر ب وەزارەتا پێشمەرگەی ڤە و ئەو بریار بکەڤیتە د وارێ بجهئینانێ دا.
شەشۆ ئاماژە ب وێ یەکێ ژی کرییە، هه‌كه ئەو ب تەمامی چوونە دناڤ وەزارەتا پێشمەرگەی دا، ژ روویێ چەک و مووچەی ڤە دێ پشتبەستنا وان ل سەر وەزارەتا پێشمەرگەی بیت و هێزێن وان ژی سەر ب چ ئالیەکێ سیاسی نابن.
تعليقات