چوو راستی بۆ نووچەیێ رزگاركرنا 250گرتیێن ژنێن ئێزدی نینە
ئێزدیخان نیوز:
بەرپرسێ نڤیسینگەها كاروبارێن رەڤاندییان ل پارێزگەها دهۆكێ راگەهاند،چوو راستی بۆ نووچەیێ رزگاركرنا گرتیێن ژنێن ئێزدی نینە.
حسێن قایدی، بەرپرسێ نڤیسینگەها كاروبارێن رەڤاندییان ل پارێزگەها دهۆكێ،ئیرۆ رۆژا دووشەمبوویێ دراگەهاندنەكێ دا ئاشكەراكر:" بۆ هەموو خووشك و برایان ژ نڤیسەر و چالاكڤانان ل تۆرێن جڤاكی ،چەند جاران مە بانگەوازی كر ل سەر بەلاڤكرنا نووچەیێن گرێدایی گرتییان پشت راست بن ژ راستیێ،بێ پشت راست بوون كاریگەرییا خۆ ل سەر خێزانێن گرتییان كریە و دەنگ و باس هەینە ل دۆر رزگاركرنا 25گرتیێن ژنێن ئێزدی جارەكێ و ئێكا دی 250گرتیێن دی،ئەم دبێژن ب لێبۆرین ڤە چوو راستی بۆ ڤان نووچەیان نینە".
قایدی راگەهاند ژی ئەم ل نڤیسینگەها رەڤاندییان مە كەنال هەینە و پەیوەندیێن بەردەوام دگەل هێزێن كارا درزگاركرنا مووسلێ دا و پەیوەندییا مە یا بەردەوامە دگەل وان دا،داخوازێ دكەم لەزێ دبەلاڤكرنێ دا نەكەن.
تعليقات