التخطي إلى المحتوى الرئيسي
بحث هذه المدونة الإلكترونية
روو رەشی بۆ مرۆڤایەتی و سازیێن مافێ زارۆكان و جڤاكێ نێڤ دەولەتی/بەختیار قادر
بەختیار قادر
بەریا دوو رۆژێن بۆری رێكخراوا تیرۆرستیا داعشێ،ڤیدیۆیەكا دوو زارۆكان بەلاڤكر و ئەو زارۆك یێن ئێزدی بوون ل دەمێ شنگال داگیركری گرتبوون،دوێ ڤیدیۆیێ دا دیار دبت ئەو زارۆك ناچار كرینە وانا ئایینی و توندرەویێ بخوونن و كرینە ب ئیسلام و كریارێن خۆكوژیێ ئەنجام بدەن و خۆ ب پەقینن،ل پێش چاڤێن جڤاكێ نێڤ دەولەتی و هەموو جیهانێ.
ل هەمبەر ڤێ كریارا درندانە یا داعشێ جڤاكێ ئێزدی هەر بلەز داخواز ژ جهێن شۆلەژێ كر زارۆكێن ئێزدی یێن ماین د دەستێ تیرۆرستان دا بێنە رزگاركرن،چنكو مێشكێ وان زارۆكێن هاتیە شووتن و ل سەربازگەهان مەشق و راهێنان پێ یا دئێتە كرن و یێ دئێنە بەرهەڤكرن ژئالیێ داعشێ بۆ ئەنجامدانا كریاران،وەك رێڤەبەرێ گشتی یێ كاروبارێن ئێزدیان ل هەرێما كوردستانێ راگەهاندی هێشتا زێدەتر ژ هەزار زارۆكێن ئێزدی ددەستێ داعشێ دانە و تنێ 13ژێ هاتینە رزگاركرن.
ئەڤ كریارا داعشێ د دەرهەقێ زارۆكێن ئێزدی دا ل پێش چاڤێ مرۆڤایەتی و سازیێن مافێ زارۆكان و مرۆڤی و جڤاكێ نێڤ دەولەتی و هەموو جیهانێ هاتە ئەنجامدان،دبێژم روو رەشی بۆ وان،چەنكو ئەڤە پتر ژ دووسالانە زارۆكێن ئێزدی د دەستێ داعشێ دانە و یێ تووشی نەخۆشترین نەخۆشیان دبن ل سەر دەستێ وان،ب تنێ دبینم هەر ئالیەك ژبال خۆڤە دێ داخوازا رزگاركرنا وان كەتن و ب كریار و ب رژی ب شێوەیەكێ وەك پێدڤی كار ژبۆ ئازادكرنا وان نەهاتیە كرن،لەوا هیڤیدارم ژ هەر جهەكێ خۆ ب مافێ مرۆڤی دزانت و بەرپرسیار دبن ئیرۆ كار بكەن بۆ رزگاركرنا كچ و ژن و زارۆكێن ئێزدیان ژ دەستێ داعشێ.
تعليقات