كچەكا رزگاربوویا ئێزدی خەلاتەكێ جیهانی ب دەستڤەئینا
ئەڤرۆ،كاروان باعەدری:
كچەكا رزگاربوویا دەستێ داعشێ، كو خەلكا گوندێ "حەردانــە" یێ سەر ب قەزا شنگالێ ڤەیە، خەلاتەكێ نەتەوەیێن ئێكگرتی ب دەستڤەئینا.
شرین حەردانی، ئەو كچا رزگاربوویە بۆ رۆژناما ئەڤرۆ گۆت:"پەرتووكەك ل سەر چیرۆكا من یا ل بن دەستێ ژلایێ نڤیسەرێ ناڤدار" جان كزلهان " هاتیە نڤیساندن، ئەو پەرتووكە ل ژێر ناڤێ "هەر دێ مینم كچا رۆژێ" ئەز هاتمە داخواز كرن بۆ بارەگایێ نەتەوەیێن ئێكگرتی ل جنێفا پایتەختێ وەلاتێ سوێسرا بۆ ب دەستڤە ئینانا ڤی خەلاتی، كو بریارە ل 20 ئەڤێ هەیڤێ ب من بهێتە دان".
ل دووڤ گۆتنێن شرینێ، ل 3 ئابا 2014 ێ ل دەمێ داعشێ دەست ب سەر قەزا شنگالێ دا گرتی، ئەو و ل گەل هەزاران كچ و ژنێن ئێزدی هاتنە دەستەسەركرن و هاتنە ڤەگوهاستن بۆ ناوچێن ژێر دەستهەلاتا وان و كڕین و فرۆتن پێ دهاتە كرن،گۆتژی ئەز هاتمە رزگاركرن و نها ژبۆ چارەسەریێ ل وەلاتێ ئەلمانیا مە .
گۆتژی:" نڤیسەرێ ناڤدارێ كوردێ ئێزدی " جان كزلهان" پەرتووكەك ل سەر چیرۆكا من نڤیسی و هاتیە وەرگێران بۆ زمانێ ئەلمانی، ژلایێ نڤیسەرا ئەلمانی "ئەلكساندرا"، و ئەڤ پەرتووكە ل باژیرێ مێنشن ل ئەلمانیا هاتە چاپكرن.
تعليقات