ل نێزیك كۆمەلگەها خانكێ گەنجەكێ شنگالێ دئاڤێ دا خەندقی
ئێزدیخان نیوز:
گەنجەكێ ئاوارەیێ شنگالێ،دوهی رۆژا ئینیێ،ل نێزیك كۆمەلگەها خانكێ دئاڤێ دا خەندقی و پشتی لێگەریانەكا زۆر ژلایێ تیمێن نقومڤانێن بەرەڤانیا باژێری یێن سێمێلێ وزاخۆ،ئیرۆ رۆژا شەمبوویێ،لاشێ وی هاتە دەرێخستن.
راگەهاندنا رێڤەبەرییا بەرەڤانیا باژێرێ ل دهۆكێ دپێگەهێ خۆ یێ كۆمەلایەتی یێ فەیسبۆكێ دا راگەهاند:"ئیرۆ رێككەفتی 25/2/2017ێ و ل دەمژمێر 2:30 نیڤرۆ لاشێ گەنجەكی بناڤێ"زینال جەمال حەجی"یێ تەمەن18سالی كو خەلكێ شنگالێ یە هاتە دەرێخستن ژئاڤێ ژلایێ تیمێن نقومڤانێن بەرەڤانیا باژێری یێن سێمێلێ وزاخۆ،ب ئامادەبوونا رێڤەبەرێ رێڤەبەریا هەڤپشك یا بەرەڤانیا باژێری ل زاخۆ ڤە،پشتی دوهی رۆژا ئینیێ خەندقی دئاڤێ دا ل نێزیك خانكێ و پشتی لێگەریانەكا زۆر نقومڤانێن مە شیان لاشێ وی بدەرێخن.
تعليقات