ئاهەنگەكا هەڤناسینێ بۆ قوتابیێن ئێزدی ل هەولێرێ هاتە گێران
ئێزدیخان نیوز:
رێكخراوا پرا گەنجێن ئێزدی،ئیرۆ رۆژا ئینیێ،ئاهەنگەكا هەڤناسینێ یا بكۆم بۆ نێزيكى 200قوتابیێن ئێزدی ل زانكۆیان ل هەولێرێ گێرا.
ئەڤ ئاهەنگە بۆ قوتابیێن ئێزدی ژ زانكۆیێن(صەلاح الدین،كۆیە،حەمدانیە جهێ پێگهۆر هەولێر،زانكیا مووسل جهێ پێگهۆر كەركووك) ل پاركا سامی عبدالرحمان ل پارێزگەها هەولێرێ هاتە گێران.
رائد حەیدەر،ئەندامێ دەستەكا كارگێری ل رێكخراوا پرا گەنجێن ئێزدی بۆمالپەرێ(ئێزدیخان نیوز)دیاركر:"ئاهەنگێ دەستپێكر ب پەیڤەكا بخێرهاتنێ ب ناڤێ رێكخراوێ،پاش كورتیەك ل سەر كارو ئارمانجێن رێكخراوێ یێن دبەرژەوەندا گەنجان و قوتابیان دئێن ئەنجامدان هات پێشكێشكرن،كو ئەو سامان و داهاتێ جڤاكی نە و چاوانیا هەڤكاری و هەماهەنگیێ دناڤبەرا قوتابیان دا ژبۆ پێشكێشكرنا خزمەتێ بۆ جڤاكی".
حەیدەر ئاماژەكر :" دئاهەنگێ دا چەند برگە هاتن ئەنجامدان ژوانا پێشكێشكرنا ڤراڤینێ و بەریكانان و ب برگێن هۆزان و مۆزیكێ ب داوی هات".
دا زانین ژی كو دیاریێن هێما پێشكێشی قوتابیێن قوناغا ئێكێ ژمارا وان پتر ژ قوتابیان بوون ژ هەردوو رەگەزان هاتنە كرن.
تعليقات