فلمەك ل سەر كۆچبەرییا ئێزدیا دئێتە دروستكرن
ئێزدیخان نیوز/هۆگر نەجیب
دەرهێنەرەكێ ئێزدی دبێژت،پێدڤیە ل سەر تەڤایا كەسانێن دناڤ هۆنەریدا كاردكەن ل كوردستانێ و ئێزدیخانێ برێیا هۆنەرێ (كلیپ و كورتە فلمان) هۆڤاتیا ل هەمبەر ئێزدیان هاتیەكرن ژلایێ توندرەوێن (داعش)و ئالگرێن وان یێن دەڤەرا شنگال بگەهینن جیهانی دگەل (73) قركرنێن بۆری،داكو جیهان بزانت چ جۆرە زولم د مێژوویێ دا هەمبەر ئێزدیان هاتیەكرن.
دەرهێنەر "مەروان سەبری حاجو" ئاكنجیێ گوندێ خەتارێ یە بۆ مالپەرێ(ئێزدیخان نیوز)گۆت:"تا رادەیەكی هۆنەرمەندێن دبیاڤێ هۆنەری دا كاردكەن،كارینە لگۆر پێچێبون و شیانێن خۆ یین مادی و مەعنەوی پەیاما كارەساتا شنگالێ بگەهیننە جیهانێ لێ هێشتا یا كێمە،رۆلێ دەرهێنەرێ ئێزدی تارەدیەكی باشە ،لێ پێدڤی پشتەڤانیێ نە ژ جهێن شۆلەژێ یێن ب هۆنەری ڤە گرێدایی".
حاجو ئەو چەندە ژی رۆنكر:"پشتی كارەساتا شنگالێ ل (3/8/2014)روودایی ژلایێ رێكخراوا توندرەوا داعش و ئالیگرێن وێ،من ژی لگۆر شیانێن خۆ چەندین سترانێن هۆنەرمەندان كرینە كلیپ كو ناڤەرۆكا وان ل سەر كارەساتێ بوو".
دەرهێنەری ئاماژە ب وێ چەندێ كر:" نۆكە مژوولی دروستكرنا فلمەكی مە ل سەر وێ كۆچبەریا بۆ دەرڤەی وەلاتی چێبووی،پشتی كارەساتا شنگالێ و دگەل كارەساتێ بخۆ و نۆكە د قۆناغا مونتاجكرنێ دایە و ئەز و هەڤالێن پشكدار مە لبەرە د دروستكرنا ڤی فلمی دا ل هۆلێن سینەمایێن ئەلمانیا پێشان بدەین،داكو خەلك ب ئێش و ئازارێن مە بحەسیێن و تشتەكی ژبۆ ئێزدیان بكت و ئێكەم جارە كارەكێ وەسان دكەم".
تعليقات